Ayrim avtomobillar uchun “rastamojka” narxi pasaytirilmoqda

O'zbekistonda ayrim toifadagi avtomobillarga bojxona bojlari kamaytirildi. Bu haqda Prezident Shavkat Mirziyoyev tomonidan 16 iyun kuni imzolangan "Aholining yengil avtotransport vositalariga bo‘lgan ehtiyojini qondirish bo‘yicha qo‘shimcha chora-tadbirlar to‘g‘risida"gi qarorida aytilgan.

Qarorga ko'ra, dvigatel hajmi 1 200 kub sm dan oshmaydigan yangi yengil avtomobillar uchun 2026-yil 1-yanvargacha bojxona bojlarining quyidagi stavkalari belgilanadi:

• 1000 kub.sm-0% (hozir — 15% + $0,4 / kub. sm);

• 1000-1200 kub.sm-5% (hozir — 15% + $0,6/ kub.sm).

Natijada, dvigatel hajmi 1000 kub.smgacha bo'lgan avtomobillar uchun bojxona to'lovlarining umumiy miqdori hozirgi 39-43% dan 19-23% gacha, dvigatel hajmi 1000-1200 kub.smgacha bo'lgan avtomobillar uchun esa 44-52% dan 30-36% gacha kamayadi.

UzA hisob — kitoblariga ko'ra, bozor narxi $10 ming bo'lgan mashina sotib olayotganda, ilgari $1,9 ming, QQS $1,4 ming, utilizatsiya to'lovi $846 va bojxona to'lovi $20 to'lash talab qilingan. Avtomobil sotib olish uchun jami $4,1 ming to'lash kerak edi.

Endi fuqarolar transport vositasini import qilishda bojxona to'lovini to'lashlari shart emas, shu bilan QQS $1,2 minggacha tushadi, bu avtomobil xarajatlarini $2,1 mingga - $12 minggacha kamaytiradi.

$20 mingdan avtomobil sotib olayotganda, narx hozirgi $29,8 mingdan $26,9 minggacha tushadi, deb qayd etdi UzA.

Powered by Froala Editor