Apple Pay va Google Pay Özbekistonda işlay başladi: 27-oktabr kuni foydalanuvçilar mahalliy bank kartalarini raqamli hamyonlarga ulay oldi. Google servis ishga tuşganini 19-oktabrdayoq e’lon qilgan edi.

19-oktabr kuni Samarqandda O‘zbekiston investitsiyalar, sanoat va savdo vaziri Laziz Kudratov beshta xalqaro kompaniya vakillari bilan qator uchrashuvlar o‘tkazdi. Muzokaralarda aviatsiya mutaxassislarini tayyorlash, sanoat va mehmonxona biznesiga investitsiyalar kiritish, kapital bozorini rivojlantirish, xususiylashtirish hamda muhim minerallarni qayta ishlash masalalari muhokama qilindi.

O‘zbekiston tashqi ishlar vaziri Baxtiyor Saidov va AQSh Davlat kotibi Marko Rubio Samarqandda kengaytirilgan strategik sheriklik bo‘yicha muloqotning birinchi yig‘ilishini o‘tkazdi. Tomonlar ikki tomonlama aloqalarni rivojlantirish, savdo va investitsiyalarni kengaytirish hamda muhim sohalardagi hamkorlikni muhokama qildi.

Oʻzbekiston Respublikasi Prezidenti Shavkat Mirziyoyev Yoqilgʻi-energetika tarmogʻidagi investorlar kengashining yigʻilishida ishtirok etish uchun mamlakatimizga kelgan Ozarbayjonning “SOCAR” kompaniyasi rahbari Rovshan Najaf va “British Petroleum” kompaniyasining katta vitse-prezidenti Jovanni Kristofolini qabul qildi.

Ozarbayjon, O‘zbekiston va Turkmaniston tashqi ishlar vazirlari Bokuda uch tomonlama uchrashuv o‘tkazib, siyosiy muloqotni mustahkamlash, iqtisodiy aloqalarni kengaytirish hamda transport-logistika sohasidagi hamkorlikni rivojlantirish masalalarini muhokama qildi. Muzokaralar 15-oktabr kuni Osiyoda hamkorlik va ishonch choralari bo‘yicha kengashning (CICA) VII sammiti doirasida bo‘lib o‘tdi.

O‘zbekiston va Buyuk Britaniya savdo-iqtisodiy aloqalarni kengaytirish, investitsiyalarni jalb qilish va sanoat kooperatsiyasini rivojlantirish masalalarini muhokama qildi. Ikki mamlakat qo‘shma iqtisodiy qo‘mitasining ikkinchi yig‘ilishi 9-oktabr kuni Toshkentda bo‘lib o‘tdi. Yig‘ilishga O‘zbekiston investitsiyalar, sanoat va savdo vaziri Laziz Kudratov hamda Buyuk Britaniyaning savdo bo‘yicha davlat vaziri Anas Sarvar hamraislik qildi.

Markaziy Osiyo davlatlari va Ozarbayjon rahbarlari 8-Maslahat uchrashuvida iqtisodiy va infratuzilmaviy hamkorlikning yangi yo‘nalishlarini belgiladi. Kun tartibining asosiy masalalari o‘zaro savdoni kengaytirish, transport koridorlarini rivojlantirish, energetika, sanoat kooperatsiyasi va raqamli vositalarni qamrab oldi.

“Yettilik guruhi” mamlakatlari to‘rt oy davomida strategik zaxiralardan 100 mln barrelgacha neft va neft mahsulotlarini chiqarishga kelishdi. Ushbu jarayon Xalqaro energetika agentligi (XEA) tomonidan muvofiqlashtiriladi va global energiya bozorini, ayniqsa dizel yoqilg‘isi ta’minotini barqarorlashtirishga qaratilgan.

Qozog‘iston va Xitoy investitsiya hamda infratuzilma loyihalarini amalga oshirish bo‘yicha 10 ta bitim imzoladi. Hujjatlar «Qozog‘iston — Xitoy» investitsiya forumi doirasida rasmiylashtirildi. Forumda Qozog‘iston Prezidenti Qosim-Jomart Toqayev ikki davlat iqtisodiy hamkorligining keyingi yo‘nalishlarini belgilab berdi.

O‘zbekiston qimmatli qog‘ozlar bozori kapitallashuvi so‘nggi ikki yilda uch baravardan ko‘proq oshib, $25 mlrddan yuqori ko‘rsatkichga yetdi. Bu haqda 17 sentyabr kuni Milliy investitsiya institutlari assotsiatsiyasi (NAII) raisi Anvar Irchayev Cbonds kompaniyasining VIII xalqaro «O‘zbekiston Respublikasi kapital bozori» konferensiyasida ma’lum qildi.

Prezident Shavkat Mirziyoyev Nukus shahrida Qoraqalpog‘istonni ijtimoiy-iqtisodiy rivojlantirish masalalariga bag‘ishlangan yig‘ilish o‘tkazdi. Unda hudud iqtisodiyoti o‘sish sur’atlari qayd etilib, energetika, infratuzilma, investitsiyalar va raqamli iqtisodiyot bo‘yicha yangi vazifalar belgilandi.

Xyustonda 14–16 sentyabr kunlari “energetik mo‘l-ko‘llik” masalasiga bag‘ishlangan G20 vazirlar uchrashuvi bo‘lib o‘tmoqda. Unda Yevropa Ittifoqi nomidan energetika bo‘yicha Yevrokomissar Dan Yorgensen qatnashmoqda. Vashington esa neft va gaz qazib olishni, elektr energiyasi ishlab chiqarishni kengaytirish va tartibga solishni soddalashtirishga urg‘u bermoqda.

Oʻzbekiston Respublikasi Prezidenti Shavkat Mirziyoyev Koreya Respublikasiga tashrifining ishbilarmonlik dasturi doirasida “KIND” korporatsiyasi bosh ijrochi direktori Kim Bok Xvan bilan uchrashuv oʻtkazdi.

Dubay Savdo-sanoat palatasi O‘zbekiston bilan savdo va investitsiyaviy aloqalarni rivojlantirishga qaratilgan Uzbekistan Business Council yangi platformasi tashkil etilganini e’lon qildi. Kengash ikki bozor tadbirkorlari o‘rtasidagi to‘g‘ridan-to‘g‘ri hamkorlikni kengaytirish va biznes uchun yangi imkoniyatlarni izlashga xizmat qiladi.

O‘zbekiston 13 sentyabr kuni Nyu-Dehlida bo‘lib o‘tadigan BRICS sammitining BRICS+ formatidagi kengaytirilgan sessiyasida ishtirok etadi. Yig‘ilish BRICSning 12–13 sentyabr kunlari o‘tkaziladigan 18-sammiti doirasida bo‘lib o‘tadi.

O‘zbekiston va Serbiya o‘rtasidagi tovar ayirboshlash hajmi 2016–2025 yillarda qariyb to‘qqiz barobarga oshib, $1,4 mln dan $12 mln ga yetdi. Shu davrda ikki mamlakat o‘rtasidagi savdo aloqalari, shartnomaviy baza, investitsiyaviy va sanoat hamkorligi kengaydi.

Hindiston yaqin oylarda O‘zbekiston bilan konchilik sohasidagi hamkorlikda sezilarli natijalarga erishishni kutmoqda. Muzokaralarning asosiy yo‘nalishlari tijorat loyihalari, kritik minerallar, geologiya-qidiruv ishlari, xomashyoni qayta ishlash hamda Hindiston kompaniyalarining istiqbolli konlarni o‘zlashtirishdagi ishtirokini qamrab oladi.

Polshaning LPP kompaniyasi O‘zbekistonda mahalliy kompaniyalar bilan hamkorlikda ishlab chiqarishni yo‘lga qo‘yish imkoniyatlarini ko‘rib chiqmoqda. Masala 25 avgust kuni O‘zbekiston Respublikasi Investitsiyalar, sanoat va savdo vaziri o‘rinbosari Akram Aliyev hamda LPP kompaniyasining xaridlar va ESG bo‘yicha direktori Dorota Jankowska-Tomków o‘rtasidagi uchrashuvda muhokama qilindi. LPP kompaniyasining rasmiy materiallarida Jankowska-Tomkówning mazkur lavozimi tasdiqlangan.

O‘zbekiston Markaziy banki Silk Road Finance & Technology Forum doirasida moliya sektorini rivojlantirishning bir qator yo‘nalishlarini taqdim etdi. Regulyator ulgurji raqamli valyutani joriy etish imkoniyatlarini o‘rganmoqda, steyblkoinlarni sinovdan o‘tkazmoqda va bank tizimidagi davlat ulushini yanada qisqartirishni rejalashtirmoqda.

«C5» formatidan «C6» formatiga o‘tish Ozarbayjonning mintaqadagi roli kengayayotgani hamda Janubiy Kavkaz va Markaziy Osiyo o‘rtasidagi aloqalar chuqurlashayotganini ko‘rsatadi. Bu haqda Ozarbayjon Milliy Majlisi deputati Parvana Valiyeva Oxu.Az nashriga bergan izohida ma’lum qildi.