O‘zbekiston va Yaponiya kompaniyalari energetika va infratuzilma loyihalarini muhokama qildi
Iqtisodiyot
13-oktabr kuni O‘zbekiston investitsiyalar, sanoat va savdo vaziri Laziz Qudratov Sumitomo Corporation prezidenti va bosh ijrochi direktori Shingo Ueno hamda Shikoku Electric Power prezidenti Yoshihiro Miyamoto bilan uchrashdi. Tomonlar energetika loyihalarining amalga oshirilish jarayoni hamda sanoat va infratuzilmaning bir qator yo‘nalishlarida hamkorlik istiqbollarini muhokama qildi.
Uchrashuvning asosiy mavzularidan biri Samarqand viloyatida quyosh elektr stansiyalari va energiya saqlash tizimlarini, shuningdek, Qoraqalpog‘istonning Qo‘ng‘irot tumanida shamol elektr stansiyalari va energiya saqlash tizimlarini qurish loyihalari bo‘ldi. Ishtirokchilar ushbu tashabbuslarning joriy holati va ularni amalga oshirish bo‘yicha keyingi qadamlarni ko‘rib chiqdi.
Sumitomo Corporation metallurgiya, tabiiy resurslar, energetika, infratuzilma, transport, avtomobilsozlik, media va raqamli texnologiyalar sohalarida faoliyat yurituvchi ko‘p tarmoqli kompaniya hisoblanadi. Kompaniyaning 63 mamlakat va hududda 125 ta ofisi mavjud.
Shikoku Electric Power yirik energetika kompaniyalaridan biri bo‘lib, telekommunikatsiya xizmatlari, IT-yechimlar, muhandislik va qurilish sohalarida ham ishlaydi. Kompaniya dunyoning 10 dan ortiq mamlakatida loyihalarni amalga oshiradi.
Energetika bilan bir qatorda, tomonlar elektr uzatish liniyalari uchun po‘lat troslar ishlab chiqarish va tez tibbiy yordam avtomobillarini yetkazib berish imkoniyatlarini muhokama qildi. Elektr tarmoqlarini modernizatsiya qilish hamda bu jarayonda tegishli texnologiya va yechimlardan foydalanish masalalari ham ko‘rib chiqildi.
Yana bir muhim yo‘nalish erkin iqtisodiy zonalarni boshqarishda Yaponiya tajribasini o‘rganish bo‘ldi. Ushbu masala O‘zbekiston va Yaponiya kompaniyalari uchun o‘zaro manfaatli hamkorlik yo‘nalishlaridan biri sifatida muhokama qilindi.
Muzokaralarda qayta tiklanuvchi energetika sohasidagi amaldagi loyihalar bilan birga, sanoat va infratuzilmadagi yangi tashabbuslar ham qamrab olindi. Tomonlar belgilangan yo‘nalishlarda hamkorlikni davom ettirish imkoniyatlarini ko‘rib chiqdi.
Sumitomo Corporation metallurgiya, tabiiy resurslar, energetika, infratuzilma, transport, avtomobilsozlik, media va raqamli texnologiyalar sohalarida faoliyat yurituvchi ko‘p tarmoqli kompaniya hisoblanadi. Kompaniyaning 63 mamlakat va hududda 125 ta ofisi mavjud.
Shikoku Electric Power yirik energetika kompaniyalaridan biri bo‘lib, telekommunikatsiya xizmatlari, IT-yechimlar, muhandislik va qurilish sohalarida ham ishlaydi. Kompaniya dunyoning 10 dan ortiq mamlakatida loyihalarni amalga oshiradi.
Energetika bilan bir qatorda, tomonlar elektr uzatish liniyalari uchun po‘lat troslar ishlab chiqarish va tez tibbiy yordam avtomobillarini yetkazib berish imkoniyatlarini muhokama qildi. Elektr tarmoqlarini modernizatsiya qilish hamda bu jarayonda tegishli texnologiya va yechimlardan foydalanish masalalari ham ko‘rib chiqildi.
Yana bir muhim yo‘nalish erkin iqtisodiy zonalarni boshqarishda Yaponiya tajribasini o‘rganish bo‘ldi. Ushbu masala O‘zbekiston va Yaponiya kompaniyalari uchun o‘zaro manfaatli hamkorlik yo‘nalishlaridan biri sifatida muhokama qilindi.
Muzokaralarda qayta tiklanuvchi energetika sohasidagi amaldagi loyihalar bilan birga, sanoat va infratuzilmadagi yangi tashabbuslar ham qamrab olindi. Tomonlar belgilangan yo‘nalishlarda hamkorlikni davom ettirish imkoniyatlarini ko‘rib chiqdi.
Powered by Froala Editor