O‘zbekiston Venetsiyada 1–30-sentabr kunlari San-Jorjo-Majore orolida o‘tkaziladigan Homo Faber 2026: An Island of Light zamonaviy badiiy hunarmandchilik xalqaro ko‘rgazmasida ishtirok etadi. Ko‘rgazmada 70 dan ortiq mamlakatdan 500 dan ziyod usta yaratgan 700 dan ortiq asar namoyish etiladi.

AQSh Prezidenti Donald Tramp Ontario ko‘lini Lake America (“Amerika ko‘li”) deb qayta nomlash to‘g‘risidagi farmonni imzoladi. Qaror AQSh federal darajasidagi rasmiy foydalanishga taalluqli bo‘lib, AQSh va Kanada chegarasida joylashgan suv havzasiga nisbatan qo‘llanadi.

O‘zbekiston Respublikasi Prezidenti Shavkat Mirziyoyev Ozarbayjon Respublikasi Birinchi vitse-prezidenti Mehribon Aliyevaga tavallud kuni munosabati bilan tabrik maktubi yo‘lladi. Davlat rahbari o‘z maktubida uning davlat va jamoat faoliyatiga chuqur hurmat bildirib, O‘zbekiston-Ozarbayjon munosabatlarini rivojlantirishga qaratayotgan e’tiborini alohida ta’kidladi.

AQSh Suriyani 1979-yildan beri bo‘lib kelgan terrorizmni qo‘llab-quvvatlovchi davlatlar ro‘yxatidan chiqardi. Shu bilan birga, Vashington «Hay’at Tahrir ash-Shom» (HTS) guruhini AQSh Davlat departamenti va Moliya vazirligining terrorchi tashkilotlar ro‘yxatlaridan ham chiqarib tashladi.

Fransiya Prezidenti Emmanuel Makron Saudiya Arabistoni valiahd shahzodasi va Bosh vaziri Muhammad bin Salmonni ikki kunlik tashrif doirasida qabul qilmoqda. Muzokaralarda iqtisodiy hamkorlik, energetika, aviatsiya, mudofaa va Yaqin Sharqdagi mintaqaviy xavfsizlik masalalari muhokama qilinadi.

21 avgust kuni Tojikistonda 30 mingdan ortiq tomoshabinga mo‘ljallangan yangi Milliy stadion ochildi. Ochilish marosimida Prezident Emomali Rahmon hamda Milliy Majlis raisi, Dushanbe shahri meri Rustami Emomali ishtirok etdi.

Ukraina Prezidenti Vladimir Zelenskiy davlat boshqaruvi tizimi tanqidi va saylov o‘tkazish haqidagi chaqiriqlar fonida kuchayib borayotgan siyosiy bosimga duch kelmoqda. Bu haqda Amerikaning National Review nashri yozib, yangi bahslarni Ukrainaning sobiq mudofaa vaziri Mixail Fedorovning bayonotlari bilan bog‘laydi.

Qirg‘iziston 30-avgustdan 1-sentabrgacha Bishkekda bo‘lib o‘tadigan qator xalqaro tadbirlarga tayyorgarlikni yakunlamoqda. Shu kunlarda poytaxt Shanxay hamkorlik tashkiloti sammiti, «SHHT+» formatidagi uchrashuvlar va VI Jahon ko‘chmanchilar o‘yinlarining ochilish marosimiga mezbonlik qiladi.

Kongo Demokratik Respublikasida Ebola gemorragik isitmasi bilan kasallanganlar soni 5 mingdan oshdi, vafot etganlar soni esa 2,4 mingga yaqinlashdi. Rasmiy ma’lumotlarga ko‘ra, amaldagi epidemiyada o‘lim darajasi 47,3 foizni tashkil etmoqda. Bu uni qayd etilgan Ebola epidemiyalari orasida o‘limlar soni bo‘yicha ikkinchi o‘ringa olib chiqdi.

Hindiston va Armaniston mudofaa sohasidagi hamkorlikni, jumladan, qurol-yarog‘ yetkazib berish hamda harbiy idoralar o‘rtasidagi aloqalarni kengaytirmoqda. 2026-yil 17-avgust kuni Hindiston Mudofaa vaziri Rajesh Kumar Singh Yerevanda Armaniston mudofaa vazirining birinchi o‘rinbosari, Qurolli Kuchlar Bosh shtabi boshlig‘i, general-leytenant Edvard Asryan bilan muzokara o‘tkazdi. Uchrashuv yakunida tomonlar ikki mamlakat qurolli kuchlari Bosh shtablari o‘rtasidagi hamkorlikning yangi formatini belgilovchi hujjat almashdilar.

Eron rasmiylari AQSh va Isroilning o‘t ochishni to‘xtatishga qaratilgan diplomatik sa’y-harakatlari uzoq muddatli kelishuvga erishishdan ko‘ra iqtisodiy bosimni kamaytirish va ehtimoliy harbiy harakatlarga tayyorgarlik ko‘rish bilan bog‘liq bo‘lishi mumkin, deb hisoblamoqda. Bu haqda The Wall Street Journal (WSJ) Eronning nomi oshkor etilmagan amaldorlari va razvedka ma’lumotlariga tayanib xabar berdi.

Oq uy matbuot kotibi Kerolin Leavitt avgust oyining oxirida lavozimini tark etadi. Bu haqda AQSh prezidenti Donald Tramp ma’lum qildi. Leavitt Oq uydan ketganidan so‘ng prezidentning tashqi maslahatchilaridan biri sifatida faoliyatini davom ettiradi va Respublikachilar partiyasidagi ta’sirini saqlab qoladi.

AQSh prezidenti Donald Tramp Vashington Eron bilan mojaro bo‘yicha keyingi harakatlarning uchta variantini ko‘rib chiqayotganini ma’lum qildi. Ular amaldagi strategiyani davom ettirish, Eronga yangi kuchli zarba berish yoki iqtisodiy bosimni kuchaytirishni o‘z ichiga oladi. Bu haqda Tramp siyosiy sharhlovchi Ueyn Rutga bergan intervyusida aytdi.

Tatariston rahbari Rustam Minnixanov Nijnekamsk markaziy tuman shifoxonasiga borib, dronlar hujumi oqibatida jabrlanganlar holidan xabar oldi. O‘zbekiston tomoni ma’lumotlariga ko‘ra, halok bo‘lganlar orasida shaharda quruvchi bo‘lib ishlagan sakkiz nafar O‘zbekiston fuqarosi bor.

Rossiya va Suriya Suriya qirg‘og‘idagi Rossiya mavjudligining yangi formatini belgilovchi o‘zaro anglashuv memorandumini imzoladi. Kelishuv qariyb bir yarim yil davom etgan muzokaralar natijasida erishilgan bo‘lib, fuqarolik obyektlarini Suriya hukumati boshqaruviga o‘tkazishni nazarda tutadi.

AQSh prezidenti Donald Tramp ma’muriyati Kolumbiyaning yangi prezidenti Abelardo de la Espriella hukumatini qo‘llab-quvvatlash uchun xavfsizlik sohasidagi yordam paketi doirasida $1 mlrd ajratishni rejalashtirmoqda. Bu haqda AQSh Davlat departamenti ma’lum qildi.

AQSH prezidenti Donald Tramp Respublikachilar partiyasi donorlarining yopiq uchrashuvida vitse-prezident Jey Di Vensni 2028 yilgi prezidentlik saylovlari uchun eng maqbul nomzod sifatida tilga oldi. Shu bilan birga, Oq uy hozircha biror nomzodni rasman qo‘llab-quvvatlaganini e'lon qilmagan.

«Toshkent modernizmi me’morchiligi. Modernizm va Markaziy Osiyo an’analari» nomli seriyali nominatsiya Janubiy Koreyaning Pusan shahrida o‘tayotgan UNESCO Butunjahon merosi qo‘mitasining 48-sessiyasi qarori bilan UNESCO Butunjahon merosi ro‘yxatiga kiritildi. Milliy nominatsiya XX asrning ikkinchi yarmiga oid Toshkent modernizmining o‘nta muhim me’moriy obyektini qamrab oladi.

AQSh prezidenti Donald Tramp ma'muriyati Malida faoliyat yuritayotgan va "Al-Qoida" bilan bog‘liq bo‘lgan "Jama'at Nusrat al-Islom val-Muslimin" (JNIM) guruhiga qarshi harbiy operatsiya o‘tkazish imkoniyatini ko‘rib chiqmoqda. The Washington Post manbalariga ko‘ra, yakuniy qaror hali qabul qilinmagan va yuqori lavozimli amerikalik amaldorlar orasida ehtimoliy zarbalar yuzasidan yagona pozitsiya mavjud emas.

Isroil G‘azo sektorining nazoratidagi hududlarini mustahkamlashni davom ettirmoqda. Associated Press ma’lumotlariga ko‘ra, qurilayotgan tuproq to‘siqlarining umumiy uzunligi 23 kilometrdan oshgan bo‘lib, qurilish ishlari anklavning bir nechta hududlarida davom etmoqda.