MDH Tashqi ishlar vazirlari kengashining navbatdagi yig‘ilishi 7-oktabr kuni Turkmanistonda bo‘lib o‘tadi. Uchrashuv Kaspiy dengizi sohilidagi «Avaza» turistik hududida tashkil etiladi.

Yevroosiyo hukumatlararo kengashi yig‘ilishida integratsiyani yanada rivojlantirish, o‘zaro savdodagi to‘siqlarni bartaraf etish, transport va sanoat kooperatsiyasini kengaytirish masalalari muhokama qilindi. O‘zbekiston uchrashuvda kuzatuvchi davlat maqomida qatnashib, iqtisodiy aloqalarni chuqurlashtirish bo‘yicha bir qator takliflarni ilgari surdi.

Astronomlar GJ 3090 b ekzosayyorasi o‘z yulduzining aylanishiga qarama-qarshi yo‘nalishda harakatlanishini aniqladi. Sayyoraning retrograd orbitasi taxminan 136° ga qiyalashgan bo‘lib, bu qizil mitti yulduzlar atrofidagi sayyora tizimlarining shakllanishini o‘rganish uchun alohida qiziqish uyg‘otmoqda.

Janubiy Koreya Prezidenti Li Chje Myon Ukraina ikki nafar shimoliy koreyalik harbiy asirning Janubiy Koreyaga topshirilgani haqidagi ma’lumotni oshkor qilgani uchun ochiq uzr so‘ramasa, Seul «qo‘shimcha choralar» ko‘rishini bildirdi. Kiyev esa asirlarni topshirishni maxfiy saqlash bo‘yicha kelishuv bo‘lganini inkor etmoqda.

AQSh Iroqdagi so‘nggi bazalaridan qo‘shinlarini olib chiqishni yakunlab, mamlakatdagi 20 yildan ortiq harbiy ishtirokiga barham berdi. AQShning Iroqdagi harbiy operatsiyasi 2003-yildagi bosqindan so‘ng boshlangan, 2014-yilda esa “Islomiy davlat” terrorchi guruhiga qarshi kurashish uchun qo‘shinlar mamlakatga qaytarilgan.

Livan Bosh vaziri Navof Salam 28-sentabr kuni Vashingtonda AQSh Davlat kotibi Marko Rubio bilan uchrashdi. Tomonlar Livan va mintaqadagi vaziyat, mamlakatning to‘liq suverenitetini tiklash hamda ikki tomonlama hamkorlikni rivojlantirish masalalarini muhokama qildi.

Eron tashqi ishlar vaziri Abbos Aragchi Nyu-Yorkda Turkiya tashqi ishlar vaziri Hakan Fidan bilan uchrashdi. Muzokaralar BMT Bosh Assambleyasining 81-sessiyasi doirasida o‘tkazildi. Uchrashuv Eron va Turkiya tomonlari tomonidan tasdiqlandi.

“Tinchlik kengashi” G‘azoni tiklash uchun olti oylik, qiymati $2,45 mlrd bo‘lgan rejani taqdim etdi. Dastur birinchi navbatdagi gumanitar va infratuzilmaviy vazifalarni qamrab oluvchi 66 ta loyihani o‘z ichiga oladi.

Rossiya tashqi ishlar vaziri Sergey Lavrov va AQSh davlat kotibi Marko Rubio 23-sentabr kuni Nyu-Yorkda BMT Bosh Assambleyasining 81-sessiyasi yuqori darajadagi haftaligi doirasida muzokara o‘tkazdi. Uchrashuv yopiq formatda bo‘lib, 50 daqiqadan ko‘proq davom etdi. Muzokaralar yakunida tomonlar Ukraina bo‘yicha yangi aniq kelishuvlarni e’lon qilmadi.

Braziliya prezidenti Luiz Inasiu Lula da Silva AQShning Venesuelaga nisbatan harakatlari mamlakat suverenitetining amalda yo‘qolishiga olib kelganini aytdi. Uning so‘zlariga ko‘ra, Vashington o‘zini Venesuelani boshqarish huquqiga ega tomon sifatida ko‘rsatmoqda.

AQSh Davlat kotibi Marko Rubio Vashington Ukraina tomonidan AQShga aloqador neft tashuvchi kemalarga hujumlar sodir etilganidan xavotirda ekanini bildirdi. Uning so‘zlariga ko‘ra, bunday holatlar so‘nggi oylar davomida yuz bergan va ularning davom etishiga yo‘l qo‘yib bo‘lmaydi.

AQSh Prezidenti Donald Tramp ma’muriyati Xalqaro jinoiy sudga (XJS) tashkilot sifatida sanksiyalar paketini tayyorladi. Reuters xabariga ko‘ra, cheklovlar AQSh fuqarolari va kompaniyalariga maxsus litsenziyasiz sud bilan moliyaviy operatsiyalarni amalga oshirishni taqiqlashi mumkin.

Rossiyada 18–20-sentabr kunlari o‘tkazilgan Davlat Dumasi saylovlaridagi uch kunlik ovoz berish yakunlandi. Markaziy saylov komissiyasi ma’lumotlariga ko‘ra, 83,52 foiz bayonnoma qayta ishlangach, “Yedinaya Rossiya” federal ro‘yxat bo‘yicha 57,82 foiz ovoz olgan.

Armaniston Bosh vaziri Nikol Pashinyan Ozarbayjon Prezidenti Ilhom Aliyevga tinchlik jarayoniga qo‘shgan hissasi uchun minnatdorlik bildirdi. U bu haqda 18-sentabr kuni Visbadenda Janubiy Kavkazda tinchlik o‘rnatish yo‘lidagi sa’y-harakatlari uchun Gessen Tinchlik mukofotini qabul qilganida ma’lum qildi.

Ozarbayjon Prezidenti Ilhom Aliyev 17-sentabr kuni Turk davlatlari tashkiloti (TDT)ga a’zo mamlakatlarning xavfsizlik organlari rahbarlarini qabul qildi. Uchrashuv Bokuda bo‘lib o‘tdi va unda Ozarbayjon, O‘zbekiston, Qozog‘iston, Qirg‘iziston, Turkiya hamda Shimoliy Kipr Turk Respublikasi vakillari ishtirok etdi.

Isroil Bosh vaziri Binyamin Netanyaxu 23-sentabr kuni BMT Bosh Assambleyasining 81-sessiyasida ishtirok etish uchun Nyu-Yorkka boradi. Isroil hukumati rahbari devonxonasi xabariga ko‘ra, u AQShda 25-sentabrgacha bo‘ladi.

O‘zbekiston Respublikasi Prezidenti Shavkat Mirziyoyev Koreya Respublikasiga davlat tashrifi doirasida 15-sentabr kuni Koreya Respublikasi Milliy Assambleyasi Spikeri Cho Chjon Shik bilan uchrashuv o‘tkazdi.

Husiylar vakili Yahyo Sari Saudiya Arabistonining harbiy obyektlari va infratuzilmasiga qarshi «keng ko‘lamli operatsiya» o‘tkazilganini ma’lum qildi. Uning so‘zlariga ko‘ra, hujum Ar-Riyodning Yamanga qarshi harakatlariga javoban amalga oshirilgan.

O‘zbekiston vakillari 9–10 sentyabr kunlari Fransiya Prezidenti Emmanuel Makron tashabbusi bilan Parijdagi “Grand Palais” majmuasida o‘tkazilgan birinchi Xalqaro kosmik sammitda ishtirok etdi. Tadbirda 90 ta davlat va xalqaro tashkilot vakillari, qariyb 60 nafar yuqori martabali davlat arbobi, mingdan ortiq kosmik kompaniya hamda 14 davlatdan 19 nafar taniqli astronavt qatnashdi.

AQSh husiylarning Yaman g‘arbiy sohillari bo‘ylab hujumi fonida Saudiya Arabistoniga harbiy ko‘makni kuchaytirdi. 100 dan ortiq amerikalik harbiy maslahatchi qirollik hududida razvedka ma’lumotlari va nishonlarni aniqlash bo‘yicha yordam bermoqda, husiylar esa Bob al-Mandab bo‘g‘oziga yaqinlashdi.