Venesuela prezidenti vazifasini bajaruvchi Delsi Rodriges Angliya bankidan mamlakat oltin zaxiralarini qaytarishni talab qildi va tegishli idoralarga huquqiy hamda diplomatik choralarni boshlashni topshirdi. Bu haqda u 28-oktabr kuni Venezolana de Televisión orqali namoyish etilgan hukumat yig‘ilishida ma’lum qildi.

Kongo Demokratik Respublikasida Ebola bilan tasdiqlangan zararlanishlar soni 10 mingdan oşdi. Sog‘liqni saqlash vazirligi ma’lumotiga ko‘ra, hozirgi epidemiya avvalgilariga qaraganda tezroq tarqalmoqda va mamlakat tarixidagi eng halokatli epidemiyaga aylandi. Tasdiqlangan 10 060 ta holatning deyarli yarmi ölim bilan yakunlangan, deb xabar berdi Associated Press seshanba kuni e’lon qilingan hukumat ma’lumotlariga tayanib.

Yevropa Ittifoqi yetakçilari Serbiyada talabalar boshçiligidagi «Talabalar ro‘yxati» harakatining parlament saylovlaridagi ğalabasini olqışlab, demokratik islohotlarni qöllab-quvvatlaşga tayyor ekanini bildirdi. Ovoz beriş natijalari Aleksandr Vuçiçning 12 yillik hokimiyatidan söng Belgrad va Bryussel munosabatlarini yangilaş uçun imkoniyat yaratdi.

Kollektiv xavfsizlik shartnomasi tashkiloti (ODKB) uchuvchisiz qurilmalar va kiberxavflardan tortib sintetik giyohvand moddalar tarqalishigacha bo‘lgan yangi tahdidlarga javob berish uchun kollektiv xavfsizlik tizimini takomillashtirishni rejalashtirmoqda. Tashkilot bosh kotibi Taalatbek Masadykov Tojikiston–Afg‘oniston chegarasini mustahkamlash dasturining borishi haqida ham ma’lumot berib, ODKBning Armaniston bilan munosabatlariga izoh berdi.

O‘zbekiston Prezidenti Administratsiyasi rahbari Saida Mirziyoyeva Ashxobodda Gurbanguli Berdimuhamedov nomidagi Vasiylikka muhtoj bolalarga yordam berish xayriya jamg‘armasi vitse-prezidenti Oguljahon Atabayeva hamda Haydar Aliyev jamg‘armasi vitse-prezidenti Leyla Aliyeva bilan uchrashdi. Tomonlar hamkorlik istiqbollari va qo‘shma tashabbuslarni muhokama qildi.

Keti Zakariya Oq uy matbuot kotibi lavozimida bor-yo‘g‘i besh kun ishlaganidan so‘ng faoliyatini yakunladi. Uning qisqa muddatli faoliyati jurnalistlar oldidagi ilk brifing tanqidga uchragan va OAV e’tibori kuchaygan davrga to‘g‘ri keldi. AQSh prezidenti Donald Tramp esa unga lavozimda qolish qarorini qayta ko‘rib chiqishni maslahat berganini ochiq aytdi.

Bishkekda davlat idoralari, OAV, fuqarolik jamiyati, akademik doiralar va xalqaro tashkilotlarning 120 nafardan ortiq vakili 26-Markaziy Osiyo media konferensiyasida ishtirok etdi. OAV erkinligi masalalari bo‘yicha YXHT vakili ofisi ko‘magida tashkil etilgan tadbir raqamli transformatsiya sharoitida yangiliklarning ishonchliligi, media etikasi va jamoatchilik ishonchiga bag‘ishlandi.

Janubiy afrikalik huquq himoyachisi va yurist Navanethem “Navi” Pillay 2026-yilgi Tinchlik bo‘yicha Nobel mukofoti laureati bo‘ldi. Norvegiya Nobel qo‘mitasi 9-oktabr kuni Osloda e’lon qilgan qarorga ko‘ra, u “tinchlik va xalqaro huquqni rivojlantirish yo‘lidagi sa’y-harakatlari” uchun taqdirlandi.

Donald Tramp ma’muriyati Xitoy bilan yadroviy obyektlarga o‘zaro tashriflarni boshlash imkoniyatini muhokama qildi va yaqin oylar ichida o‘tkaziladigan shaxsiy uchrashuvlarda bunday kelishuvga erishish masalasini ilgari surishni davom ettirmoqchi. Bu haqda CNN muzokaralardan xabardor manbalarga tayanib xabar berdi.

NATO Rossiya bilan yuzaga kelishi mumkin bo‘lgan harbiy mojaro holatida harakat qilish strategiyasini ishlab chiqmoqda. Bloomberg agentligi maxfiy bo‘lmagan hujjat bilan tanishgan manbalarga tayanib, «G‘alaba nazariyasi» deb nomlangan reja alyansning harbiy ustunligini saqlab qolish va ehtimoliy hujumni tezda qaytarishga qaratilganini xabar qildi.

AQSh prezidenti Donald Tramp noyabr oyidagi Kongressga oraliq saylovlarda Respublikachilar partiyasi o‘z mavqeini yo‘qotsa, demokratlar impichment jarayonini boshlashi mumkinligini aytdi. U bu haqda Oklaxoma shtatidagi tarafdorlari bilan uchrashuvda ma’lum qilib, saylovchilarni respublikachi nomzodlarni qo‘llab-quvvatlashga chaqirdi.

Germaniyaning sobiq kansleri Gerhard Shryoder Rossiyadagi Globus gipermarketlar tarmog‘ini boshqaruvchi “Giperglobus” MChJ kuzatuv kengashi tarkibiga kirdi. Kompaniya ma’lumotiga ko‘ra, u umumiy boshqaruvda ishtirok etadi va Rossiya bozoridagi biznesning strategik rivojlanishini kuzatib boradi.

Marokash qiroli Muhammad VI 29-sentabr kuni Fatima Ezzahra El Mansourini hukumat rahbari etib tayinladi va unga yangi hukumatni shakllantirishni topshirdi. Bu Marokash tarixida ayol kishi birinchi marta hukumatga rahbarlik qilayotganini anglatadi.

2026-yil 7–8-oktabr kunlari Minskda MDH va SHHTning Aksilterror forumi bo‘lib o‘tadi. Unda 28 davlat delegatsiyalari, ikki tuzilmaning 17 ta organi vakillari va 10 ta xalqaro tashkilot ishtirok etishi kutilmoqda.

O‘zbekiston 2031-yilda BMTning jinoyatchilikning oldini olish va jinoyat odil sudloviga bag‘ishlangan 16-Kongressiga mezbonlik qiladi. Bu haqda Abu-Dabida 2026-yil 26-sentyabrdan 1-oktyabrgacha o‘tkazilayotgan BMTning 15-Kongressida ishtirok etayotgan Saida Mirziyoyeva ma’lum qildi. Joriy forum sanalari BMTning rasmiy materiallarida ham qayd etilgan.

Pokiston, Saudiya Arabistoni va Turkiya tashqi ishlar vazirlari Makka qo‘shma mudofaa kelishuvi doirasidagi hamkorlik mexanizmlarini rivojlantirish masalasini muhokama qildi. Uchrashuv BMT Bosh Assambleyasining 81-sessiyasi doirasida Nyu-Yorkda bo‘lib o‘tdi.

CIA bir nechta Yevropa hukumatlarini Rossiyaning Ispaniya, Fransiya yoki Italiyaga qarshi dronlardan foydalanishi mumkin bo‘lgan operatsiyasi haqida ogohlantirgan. Bu haqda El Mundo manbalarga tayanib xabar berdi. Ma’lumotlarga ko‘ra, dronlar O‘rta yer dengizidagi kemalardan uchirilishi mumkin.

AQSh prezidenti Donald Tramp, Daniya bosh vaziri Mette Frederiksen va Grenlandiya bosh vaziri Yens-Frederik Nielsen AQShning oroldagi harbiy ishtirokini kengaytirishni nazarda tutuvchi kelishuvni imzoladi. Hujjat 22-sentabr kuni BMT Bosh Assambleyasi doirasida Nyu-Yorkda imzolandi.

Rossiya Prezidenti Vladimir Putin Saudiya Arabistoni valiahd shahzodasi va Vazirlar Mahkamasi raisi Muhammad bin Salmon Ol Saud bilan telefon orqali muloqot qildi. Tomonlar ikki tomonlama hamkorlik hamda Yaqin Sharq, xususan, Fors ko‘rfazidagi vaziyatni muhokama qildilar.

AQSh 35 davlat bilan tuzilgan kelishuvlar asosida kamida 25 447 migrantni uchinchi davlatlarga deportatsiya qilgan. Bu haqda 21 sentyabr kuni e’lon qilingan Forbidden Stories xalqaro tergovida ma’lum qilindi. Ma’lumotlar 2026-yil 31-avgustgacha bo‘lgan davrni qamrab oladi.