Mark Karni Kanadaning yangi bosh vaziri bo‘ldi
Siyosat
Kanadada hukmron Liberal partiyaning yangi yetakchisi sifatida sobiq Angliya Markaziy banki rahbari Mark Karni saylandi. U yanvar oyida iste’foga chiqqan bosh vazir Jastin Tryudoni o‘rnini egallaydi.
9-mart, yakshanba kuni o‘tkazilgan ovoz berish natijalariga ko‘ra, Karni 86 foiz ovoz yig‘ib, sobiq moliya vaziri Xristya Friland, hukumatning Jamoatlar palatasidagi yetakchisi Karina Guld va biznesmen Frenk Beylisni ortda qoldirdi.
Karni Yevropa va Osiyo bilan yaqinroq iqtisodiy hamkorlik qilish tarafdori. Uning fikricha, bu Kanada iqtisodiyotining AQShga qaramligini kamaytirishga yordam beradi. Chunki AQSh prezidenti Donald Tramp Kanada importi uchun 25 foizlik boj solig‘ini joriy qilgan va mamlakat suverenitetiga da’vo qilmoqda.
Shuningdek, yangi Liberal partiya yetakchisi iqtisodiy islohotlarni amalga oshirishga va’da bergan. Bu islohotlar o‘rta sinf uchun soliq yukini kamaytirish, byurokratiyani qisqartirish, innovatsiyalar va investitsiyalarni faol rag‘batlantirishni o‘z ichiga oladi, deb xabar beradi DPA agentligi.
Liberal partiyaga vidolashuv nutqida amaldagi bosh vazir Jastin Tryudo Kanada bugungi kunda "AQSh tomonidan ekzistensial tahdidga duch kelayotganini" ta’kidladi. Tryudo 6-yanvar kuni bosh vazirlik va Liberal partiya rahbarligidan iste’foga chiqishini e’lon qilgan edi.
U shunday dedi: "Bu mamlakat navbatdagi saylovlarda real tanlovga loyiq, lekin agar men ichki kurashlarga berilsam, eng yaxshi variant bo‘la olmayman". U, shuningdek, parlament ishini 24-martgacha to‘xtatishini ma’lum qildi.
Jastin Tryudo Liberal partiyani qariyb 12 yil davomida boshqargan va 2015-yil noyabr oyidan beri Kanada bosh vaziri lavozimini egallab kelgan. Biroq, so‘nggi yillarda uning mashhurligi mamlakatda amalga oshirilgan bir qator islohotlar, narxlarning oshishi, uy-joy inqirozi va migratsiya muammolari sabab keskin tushib ketdi.
Karni Yevropa va Osiyo bilan yaqinroq iqtisodiy hamkorlik qilish tarafdori. Uning fikricha, bu Kanada iqtisodiyotining AQShga qaramligini kamaytirishga yordam beradi. Chunki AQSh prezidenti Donald Tramp Kanada importi uchun 25 foizlik boj solig‘ini joriy qilgan va mamlakat suverenitetiga da’vo qilmoqda.
Shuningdek, yangi Liberal partiya yetakchisi iqtisodiy islohotlarni amalga oshirishga va’da bergan. Bu islohotlar o‘rta sinf uchun soliq yukini kamaytirish, byurokratiyani qisqartirish, innovatsiyalar va investitsiyalarni faol rag‘batlantirishni o‘z ichiga oladi, deb xabar beradi DPA agentligi.
Liberal partiyaga vidolashuv nutqida amaldagi bosh vazir Jastin Tryudo Kanada bugungi kunda "AQSh tomonidan ekzistensial tahdidga duch kelayotganini" ta’kidladi. Tryudo 6-yanvar kuni bosh vazirlik va Liberal partiya rahbarligidan iste’foga chiqishini e’lon qilgan edi.
U shunday dedi: "Bu mamlakat navbatdagi saylovlarda real tanlovga loyiq, lekin agar men ichki kurashlarga berilsam, eng yaxshi variant bo‘la olmayman". U, shuningdek, parlament ishini 24-martgacha to‘xtatishini ma’lum qildi.
Jastin Tryudo Liberal partiyani qariyb 12 yil davomida boshqargan va 2015-yil noyabr oyidan beri Kanada bosh vaziri lavozimini egallab kelgan. Biroq, so‘nggi yillarda uning mashhurligi mamlakatda amalga oshirilgan bir qator islohotlar, narxlarning oshishi, uy-joy inqirozi va migratsiya muammolari sabab keskin tushib ketdi.
Powered by Froala Editor