Ozarbayjon va Qozog‘iston Transkaspiy optik tolali aloqa liniyasini 2026-yil oxirigacha ishga tushiradi
Biznes
Ozarbayjon va Qozog‘iston o‘rtasidagi Transkaspiy optik tolali aloqa liniyasi 2026-yil oxirigacha foydalanishga topshiriladi. Bu haqda Ozarbayjon prezidenti Ilhom Aliyev Bokuda o‘tkazilgan II Ozarbayjon xalqaro investitsiya forumida ma’lum qildi. Loyiha Kaspiy dengizi tubidan kabel yotqizishni nazarda tutadi.
Aliyevning ta’kidlashicha, raqamli aloqa mintaqaviy bog‘liqlikni kengaytirishning muhim yo‘nalishlaridan biriga aylanadi. Qozog‘iston tomoni avvalroq loyihaning dengizdagi amaliy bosqichi boshlanganini bildirgan. Texnologik ishlar va ishga tushirish-sozlash jarayonlarini yil oxirigacha yakunlash rejalashtirilgan. Loyiha “Kazakhtelecom” va AzerTelecom tomonidan tashkil etilgan CaspiLink B.V. qo‘shma korxonasi orqali amalga oshirilmoqda.
Forumda Aliyev Ozarbayjon 2030-yilgacha yuk tranziti hajmini 25 million tonnagacha oshirishni rejalashtirayotganini ham aytdi. Uning so‘zlariga ko‘ra, o‘sish Sharq — G‘arb va Shimol — Janub yo‘nalishlarida ta’minlanadi. Prezident buning uchun qo‘shni davlatlar va Markaziy Osiyo mamlakatlari bilan hamkorlik muhimligini ta’kidladi.
Energetika sohasida Aliyev “Absheron” konini o‘zlashtirishning ikkinchi bosqichi bo‘yicha shartnoma imzolanishini ma’lum qildi. Kutilishicha, loyiha uch-to‘rt yil ichida gaz qazib olishni yiliga yana qariyb 5 milliard kub metrga oshiradi. Prezident, shuningdek, Exxon kompaniyasi bilan noan’anaviy neft va gaz konlarini o‘zlashtirish bo‘yicha kelishuv haqida xabar berdi.
Forum doirasida Ozarbayjon va Slovakiya gaz yetkazib berish bo‘yicha navbatdagi muzokaralarni ham o‘tkazdi. Slovakiyaning Ozarbayjondagi elchisi Gasimov tomonlar, jumladan, Ozarbayjon gazini Slovakiyaga yetkazib berish bo‘yicha kelgusidagi qo‘shma loyihalarni muhokama qilganini bildirdi.
Ozarbayjon Iqtisodiyot vazirligi ma’lumotiga ko‘ra, AIIF 2026 doirasida umumiy qiymati $10,8 milliard bo‘lgan 23 ta hujjat imzolangan. Ular sun’iy intellekt, energetika, qayta tiklanuvchi energiya, qurilish, raqamli iqtisodiyot, sanoat, qishloq xo‘jaligi, farmatsevtika, moliya va suv xo‘jaligini qamrab oladi. Boku energetika haftasida e’lon qilingan loyihalar bilan birga rejalashtirilayotgan qo‘shma loyihalar qiymati $16,7 milliardga yetadi.
Forumda Sea Breeze loyihasi ham muhokama qilindi. Uning asoschisi Emin Agalarov rejalashtirilgan ishlarning 10–15 foizi bajarilganini va loyihani keyingi yetti-sakkiz yil davomida amalga oshirish rejalashtirilayotganini aytdi. Uning so‘zlariga ko‘ra, loyiha doirasida turli brendlar bilan qariyb 20 ta shartnoma imzolangan.
Forumda Aliyev Ozarbayjon 2030-yilgacha yuk tranziti hajmini 25 million tonnagacha oshirishni rejalashtirayotganini ham aytdi. Uning so‘zlariga ko‘ra, o‘sish Sharq — G‘arb va Shimol — Janub yo‘nalishlarida ta’minlanadi. Prezident buning uchun qo‘shni davlatlar va Markaziy Osiyo mamlakatlari bilan hamkorlik muhimligini ta’kidladi.
Energetika sohasida Aliyev “Absheron” konini o‘zlashtirishning ikkinchi bosqichi bo‘yicha shartnoma imzolanishini ma’lum qildi. Kutilishicha, loyiha uch-to‘rt yil ichida gaz qazib olishni yiliga yana qariyb 5 milliard kub metrga oshiradi. Prezident, shuningdek, Exxon kompaniyasi bilan noan’anaviy neft va gaz konlarini o‘zlashtirish bo‘yicha kelishuv haqida xabar berdi.
Forum doirasida Ozarbayjon va Slovakiya gaz yetkazib berish bo‘yicha navbatdagi muzokaralarni ham o‘tkazdi. Slovakiyaning Ozarbayjondagi elchisi Gasimov tomonlar, jumladan, Ozarbayjon gazini Slovakiyaga yetkazib berish bo‘yicha kelgusidagi qo‘shma loyihalarni muhokama qilganini bildirdi.
Ozarbayjon Iqtisodiyot vazirligi ma’lumotiga ko‘ra, AIIF 2026 doirasida umumiy qiymati $10,8 milliard bo‘lgan 23 ta hujjat imzolangan. Ular sun’iy intellekt, energetika, qayta tiklanuvchi energiya, qurilish, raqamli iqtisodiyot, sanoat, qishloq xo‘jaligi, farmatsevtika, moliya va suv xo‘jaligini qamrab oladi. Boku energetika haftasida e’lon qilingan loyihalar bilan birga rejalashtirilayotgan qo‘shma loyihalar qiymati $16,7 milliardga yetadi.
Forumda Sea Breeze loyihasi ham muhokama qilindi. Uning asoschisi Emin Agalarov rejalashtirilgan ishlarning 10–15 foizi bajarilganini va loyihani keyingi yetti-sakkiz yil davomida amalga oshirish rejalashtirilayotganini aytdi. Uning so‘zlariga ko‘ra, loyiha doirasida turli brendlar bilan qariyb 20 ta shartnoma imzolangan.
Powered by Froala Editor