O‘zbekistonda pensiyalar, ish haqi va stipendiyalar oshirilmoqda

Aholining turmush darajasini oshirish va fuqarolarning ijtimoiy himoyasini kuchaytirish maqsadida O‘zbekistonda 2025-yil 1-iyul va 1-avgustdan boshlab to‘lovlarning yangi miqdorlari kuchga kiradi. Prezident farmoniga ko‘ra, quyidagilar 10 foizga oshiriladi:

• pensiya va nafaqalar (1-iyuldan),
• budjet sohasi xodimlarining ish haqi va stipendiyalar (1 avgustdan boshlab).

Asosiy o‘zgarishlar:
2025-yil 1-iyuldan boshlab:

• yoshga doir eng kam pensiya - 918 000 so‘m;
• nogironlik pensiyasi - 1 012 000 so‘m;

bolalar nafaqalari:

• 360 000 so‘m - 3 yoshgacha bo‘lgan bola uchun,
• 275 000 so‘m - 3 yoshdan 18 yoshgacha bo‘lgan bola uchun,
• 165 000 so‘m - ikkinchi bola uchun,
• 110 000 so‘m - uchinchi va undan keyingi bolalar uchun;

• kam ta’minlangan oilalarga moddiy yordam - oyiga 420 000 so‘m.

2025-yil 1-avgustdan boshlab:

• mehnatga haq to‘lashning eng kam miqdori (MHEKM) - 1 271 000 so‘m;
• bazaviy hisoblash miqdori (BHM) - 412 000 so‘m;
• pensiyani hisoblashning bazaviy miqdori (1-iyuldan boshlab) - 471 000 so‘m.

To‘lovlarni oshirish xarajatlari Davlat byudjeti hamda Iqtisodiyot va moliya vazirligi huzuridagi byudjetdan tashqari Pensiya jamg‘armasi mablag‘lari hisobidan qoplanadi.

Ish beruvchilarga ish haqini yangi MHEKMga muvofiqlashtirish tavsiya etildi.

Qaror ijrosini nazorat qilish Bosh vazir A.N.Aripov zimmasiga yuklatildi, ijro uchun mas’ul va shaxsiy javobgar etib Bosh vazir o‘rinbosari J.A.Qo‘chqorov belgilandi.

Powered by Froala Editor