Toshkent Janubiy Koreya bilan keng ko‘lamli biznes-forumni qabul qilishga tayyorlanmoqda
Biznes
16-iyun kuni poytaxtda V Toshkent xalqaro investitsiya forumi doirasida keng ko‘lamli “O‘zbekiston – Koreya” biznes-forumi bo‘lib o‘tadi. Mazkur tadbir dunyoga mashhur Koreya konglomeratlari va eng yirik moliya institutlarining top-menejmentini bir maydonchada jamlaydi. Forum ko‘p millionli shartnomalar tuzish, ilg‘or raqamli texnologiyalar transferi hamda mahalliy sanoat qiyofasini o‘zgartiradigan uzoq muddatli infratuzilmaviy loyihalarni ishga tushirish uchun katalizator bo‘lishi kutilmoqda.
2026-yil 16-iyun kuni V Toshkent xalqaro investitsiya forumi doirasida “O‘zbekiston – Koreya” biznes-forumi bo‘lib o‘tadi. Tadbir ikki mamlakat ishbilarmon doiralari o‘rtasida uzoq muddatli sheriklik aloqalarini o‘rnatish, tajriba almashish va dolzarb vazifalarni muhokama qilishga qaratilgan. Tomonlar yetakchi tarmoqlarning iqtisodiy salohiyatini taqdim etadilar hamda qo‘shma investitsiyaviy, ishlab chiqarish, infratuzilmaviy va texnologik loyihalarni amalga oshirish imkoniyatlarini ko‘rib chiqadilar.
Forumda sanoat, metallurgiya, transport, raqamli texnologiyalar va turizm sohalarida faoliyat yurituvchi yetakchi Koreya kompaniyalari va moliya institutlari vakillari ishtirok etishi kutilmoqda. Tasdiqlangan ishtirokchilar orasida Samsung Electronics, LG Electronics, Hyundai Rotem, POSCO Holdings, POSCO International, Daewoo E&C, KIND, Incheon International Airport Corporation, Heerim, Hanatour kabi gigantlar, shuningdek, KEXIM, KDB va Shinhan Bank bor. To‘g‘ridan-to‘g‘ri ishbilarmonlik aloqalarini o‘rnatish va istiqbolli tashabbuslarni batafsil ishlab chiqish uchun B2B va G2B formatlarida manzilli uchrashuvlar tashkil etiladi.
Forumda sanoat, metallurgiya, transport, raqamli texnologiyalar va turizm sohalarida faoliyat yurituvchi yetakchi Koreya kompaniyalari va moliya institutlari vakillari ishtirok etishi kutilmoqda. Tasdiqlangan ishtirokchilar orasida Samsung Electronics, LG Electronics, Hyundai Rotem, POSCO Holdings, POSCO International, Daewoo E&C, KIND, Incheon International Airport Corporation, Heerim, Hanatour kabi gigantlar, shuningdek, KEXIM, KDB va Shinhan Bank bor. To‘g‘ridan-to‘g‘ri ishbilarmonlik aloqalarini o‘rnatish va istiqbolli tashabbuslarni batafsil ishlab chiqish uchun B2B va G2B formatlarida manzilli uchrashuvlar tashkil etiladi.
Powered by Froala Editor