Turkiyada Istanbul meri hibsga olinganidan keyin norozilik namoyishlari boshlandi
Dunyo
Prezident Rajab Toyib Erdo‘g‘anning asosiy raqiblaridan biri bo‘lgan shahar meri Ekrem Imomo‘g‘li hibsga olinganidan keyin minglab namoyishchilar Istanbul ko‘chalariga chiqdi.
Rasmiylar yo‘llarni to‘sib qo‘ydi, ijtimoiy tarmoqlarga kirishni chekladi va namoyishlarga to‘rt kunlik taqiq joriy qildi, ammo bu norozilik to‘lqinini to‘xtata olmadi.
Imomo‘g‘li va yana 100 ga yaqin kishi korrupsiya va taqiqlangan Kurdiston ishchi partiyasiga aloqadorlikda ayblanib hibsga olingan. Muxolifat buni saylov oldidan siyosiy qirg‘in deb atamoqda.
Respublikachilar xalq partiyasi yetakchisi O‘zg‘ur O‘zel hokimiyatni "davlat to‘ntarishi"da ayblab, Erdo‘g‘an saylovlarda yutqazib qo‘yishdan qo‘rqayotganini aytdi. Shu bilan birga, Yevrokomissiya rahbari Ursula fon der Lyayyen Turkiya YeIga a’zo bo‘lish uchun nomzod sifatida demokratik tamoyillarga rioya qilishi shartligini eslatdi.
Rasmiylar sudlar mustaqil harakat qilishini aytib, ayblovlarni rad etdi. Biroq mamlakatning eng yirik shahridagi ommaviy norozilik namoyishlari hukumatga bo‘lgan ishonch yo‘qolganini ko‘rsatmoqda.
Imomo‘g‘li va yana 100 ga yaqin kishi korrupsiya va taqiqlangan Kurdiston ishchi partiyasiga aloqadorlikda ayblanib hibsga olingan. Muxolifat buni saylov oldidan siyosiy qirg‘in deb atamoqda.
Respublikachilar xalq partiyasi yetakchisi O‘zg‘ur O‘zel hokimiyatni "davlat to‘ntarishi"da ayblab, Erdo‘g‘an saylovlarda yutqazib qo‘yishdan qo‘rqayotganini aytdi. Shu bilan birga, Yevrokomissiya rahbari Ursula fon der Lyayyen Turkiya YeIga a’zo bo‘lish uchun nomzod sifatida demokratik tamoyillarga rioya qilishi shartligini eslatdi.
Rasmiylar sudlar mustaqil harakat qilishini aytib, ayblovlarni rad etdi. Biroq mamlakatning eng yirik shahridagi ommaviy norozilik namoyishlari hukumatga bo‘lgan ishonch yo‘qolganini ko‘rsatmoqda.
Powered by Froala Editor