AQSH Ukrainaga harbiy yordamni muzlatib qo‘ydi
Dunyo
AQSH prezidenti Donald Tramp Oq uyda Vladimir Zelenskiy bilan bo‘lib o‘tgan tarang uchrashuvdan so‘ng Ukrainaga harbiy yordam yetkazib berishni to‘xtatdi. Amerika yetakchisi Kiyevdan Moskva bilan tinchlik muzokaralari tomon faolroq harakat qilishni talab qilmoqda.
Oq uy vakilining aytishicha, Tramp ma’muriyati Ukrainani qo‘llab-quvvatlashni to‘xtatmoqda va u mojaroning "haqiqiy yechimini" topishga yordam berishiga ishonch hosil qilish uchun uni qayta ko‘rib chiqishadi. Biroq harbiy yordamni uzil-kesil to‘xtatish masalasi hozircha muhokama qilinmayapti. Shunga qaramay, qurol-yarog‘, jumladan, o‘q-dorilar, raketalar va havo hujumidan mudofaa tizimlarini yetkazib berishni to‘xtatish, ayniqsa, davom etayotgan jangovar harakatlar fonida Ukraina mudofaa qobiliyatiga jiddiy ta’sir ko‘rsatishi mumkin.
Qaror Yevropada ham, AQShda ham tanqidlarga sabab bo‘ldi. OAV ma’lumotlariga ko‘ra, Kongressning asosiy a’zolari yordam to‘xtatilishi haqida oldindan xabardor qilinmagan. Ukraina tomonidan hozircha rasmiy izoh berilmagan, biroq avvalroq Zelenskiy AQSH qurollarini yetkazib berishni to‘xtatish mamlakat milliy xavfsizligiga xavf tug‘dirishini aytgandi.
AQSH vitse-prezidenti Jey Di Vens Ukraina xavfsizligini ta’minlashning eng yaxshi usuli amerikaliklarga uning kelajagida "iqtisodiy foyda" berish ekanligini aytdi. Biroq, ekspertlarning fikricha, bunday yondashuv, ayniqsa, Yevropada ikki xil ta’sirga sabab bo‘lishi mumkin.
Ayni paytda Yevropa yetakchilari Kiyevni qo‘llab-quvvatlashning muqobil choralarini, jumladan, harbiy instruktorlarni yuborish va NATO davlatlaridan qurol-yarog‘ yetkazib berishni kengaytirish imkoniyatlarini ko‘rib chiqayapti. Buyuk Britaniya va Fransiya kabi ba’zi davlatlar Ukrainani qo‘llab-quvvatlash bo‘yicha o‘z tashabbuslarini taklif qilgan, ammo AQSH kafolatisiz ularning amalga oshirilishi so‘roq ostida qoladi.
Qaror Yevropada ham, AQShda ham tanqidlarga sabab bo‘ldi. OAV ma’lumotlariga ko‘ra, Kongressning asosiy a’zolari yordam to‘xtatilishi haqida oldindan xabardor qilinmagan. Ukraina tomonidan hozircha rasmiy izoh berilmagan, biroq avvalroq Zelenskiy AQSH qurollarini yetkazib berishni to‘xtatish mamlakat milliy xavfsizligiga xavf tug‘dirishini aytgandi.
AQSH vitse-prezidenti Jey Di Vens Ukraina xavfsizligini ta’minlashning eng yaxshi usuli amerikaliklarga uning kelajagida "iqtisodiy foyda" berish ekanligini aytdi. Biroq, ekspertlarning fikricha, bunday yondashuv, ayniqsa, Yevropada ikki xil ta’sirga sabab bo‘lishi mumkin.
Ayni paytda Yevropa yetakchilari Kiyevni qo‘llab-quvvatlashning muqobil choralarini, jumladan, harbiy instruktorlarni yuborish va NATO davlatlaridan qurol-yarog‘ yetkazib berishni kengaytirish imkoniyatlarini ko‘rib chiqayapti. Buyuk Britaniya va Fransiya kabi ba’zi davlatlar Ukrainani qo‘llab-quvvatlash bo‘yicha o‘z tashabbuslarini taklif qilgan, ammo AQSH kafolatisiz ularning amalga oshirilishi so‘roq ostida qoladi.
Powered by Froala Editor