Balogun bo‘yicha qaror Infantino atrofida yangi mojaro keltirib chiqardi
Sport
FIFAning AQSh terma jamoasi hujumchisi Folarin Balogun diskvalifikatsiyasini vaqtincha to‘xtatish haqidagi qarori Yevroparlamentda keskin munosabatga sabab bo‘ldi. Bir guruh deputatlar tashkilot prezidenti Janni Infantino faoliyatini tekshirish va Yevropa futbol federatsiyalarini FIFA rahbariyatining javobgarligini talab qilishga chaqirdi.
Tashabbusni Yevroparlamentning olti siyosiy guruhidan 72 nafar deputat qo‘llab-quvvatladi. Yevropaning 27 milliy futbol assotsiatsiyasiga yo‘llangan maktubda deputat Barri Endryus turnir davomida qizil kartochka uchun diskvalifikatsiya qoidalarining o‘zgartirilishini «sharmandalik va qonunning buzib talqin qilinishi» deb atadi. U, shuningdek, FIFAni AQSh prezidenti Donald Tramp ma’muriyati talablariga yon berishda aybladi.
Balogun Bosniya va Gersegovinaga qarshi 1/16 final uchrashuvida qizil kartochka olgan edi. Diskvalifikatsiya vaqtincha to‘xtatilgach, u Belgiyaga qarshi 1/8 final bahsida maydonga tushdi. Belgiya tomoni qaror ustidan shikoyat qildi, biroq FIFA intizom qo‘mitasi apellyatsiyani rad etdi.
Belgiya 4:1 hisobida g‘alaba qozongan bo‘lsa-da, Balogun bo‘yicha qaror FIFA intizom siyosatining shaffofligi yuzasidan savollarni kuchaytirdi.
Balogun Bosniya va Gersegovinaga qarshi 1/16 final uchrashuvida qizil kartochka olgan edi. Diskvalifikatsiya vaqtincha to‘xtatilgach, u Belgiyaga qarshi 1/8 final bahsida maydonga tushdi. Belgiya tomoni qaror ustidan shikoyat qildi, biroq FIFA intizom qo‘mitasi apellyatsiyani rad etdi.
Belgiya 4:1 hisobida g‘alaba qozongan bo‘lsa-da, Balogun bo‘yicha qaror FIFA intizom siyosatining shaffofligi yuzasidan savollarni kuchaytirdi.
Powered by Froala Editor