G7 Ormuz bo‘g‘ozi xavfsizligini urush tugagach ta’minlashga tayyor
Dunyo
“Yetti yetakchi davlat” (G7) Eron atrofidagi mojaro yakunlangach, global energetika uchun muhim bo‘lgan Ormuz bo‘g‘ozi xavfsizligini ta’minlashda ishtirok etishga tayyorligini bildirdi.
Fransiyada bo‘lib o‘tgan G7 tashqi ishlar vazirlari uchrashuvi yakunida, Ormuz bo‘g‘ozida kemalarni kuzatib borish bo‘yicha xalqaro missiya faqat harbiy harakatlar tugagach yo‘lga qo‘yilishi mumkinligi ta’kidlandi.
AQSh prezidenti Donald Tramp ittifoqchilarni darhol harakat qilishga chaqirgan bo‘lsa-da, Yevropa davlatlari faol mojaro sharoitida bunday operatsiyada qatnashishni xavfli deb hisoblab, ehtiyotkor pozitsiyani egalladi.
Fransiya tashqi ishlar vaziri Jan-Noel Barro navigatsiya erkinligini “xalqaro umumiy manfaat” deb atadi, biroq kelajakdagi missiya faqat mudofaa xarakteriga ega bo‘lishi kerakligini qayd etdi.
AQSh davlat kotibi Marko Rubio ko‘p millatli missiya urushdan keyin zarur bo‘lishini aytdi. Uning so‘zlariga ko‘ra, janglar tugagach, ilk tankerlar sug‘urta olish uchun harbiy kuzatuvga muhtoj bo‘ladi.
Germaniya va boshqa qator davlatlar ham urushdan keyin ishtirok etishga tayyor ekanini bildirdi. Umuman olganda, 30 dan ortiq davlat Ormuz orqali xavfsiz o‘tishni ta’minlashga hissa qo‘shishga tayyorligini ma’lum qilgan.
Ormuz bo‘g‘ozi orqali dunyo neft va gazining qariyb beshdan bir qismi o‘tadi. Uning yopilishi global energiya bozorlariga bosim o‘tkazmoqda: Brent nefti narxi 110 dollarga yetdi.
Mutaxassislar bunday operatsiya yuqori xavf bilan bog‘liqligini ta’kidlamoqda. Shu sababli Yevropa davlatlari to‘g‘ridan-to‘g‘ri harbiy ishtirokdan qochishga harakat qilmoqda.
AQSh prezidenti Donald Tramp ittifoqchilarni darhol harakat qilishga chaqirgan bo‘lsa-da, Yevropa davlatlari faol mojaro sharoitida bunday operatsiyada qatnashishni xavfli deb hisoblab, ehtiyotkor pozitsiyani egalladi.
Fransiya tashqi ishlar vaziri Jan-Noel Barro navigatsiya erkinligini “xalqaro umumiy manfaat” deb atadi, biroq kelajakdagi missiya faqat mudofaa xarakteriga ega bo‘lishi kerakligini qayd etdi.
AQSh davlat kotibi Marko Rubio ko‘p millatli missiya urushdan keyin zarur bo‘lishini aytdi. Uning so‘zlariga ko‘ra, janglar tugagach, ilk tankerlar sug‘urta olish uchun harbiy kuzatuvga muhtoj bo‘ladi.
Germaniya va boshqa qator davlatlar ham urushdan keyin ishtirok etishga tayyor ekanini bildirdi. Umuman olganda, 30 dan ortiq davlat Ormuz orqali xavfsiz o‘tishni ta’minlashga hissa qo‘shishga tayyorligini ma’lum qilgan.
Ormuz bo‘g‘ozi orqali dunyo neft va gazining qariyb beshdan bir qismi o‘tadi. Uning yopilishi global energiya bozorlariga bosim o‘tkazmoqda: Brent nefti narxi 110 dollarga yetdi.
Mutaxassislar bunday operatsiya yuqori xavf bilan bog‘liqligini ta’kidlamoqda. Shu sababli Yevropa davlatlari to‘g‘ridan-to‘g‘ri harbiy ishtirokdan qochishga harakat qilmoqda.
Powered by Froala Editor