Huquqni muhofaza qiluvchilarni "diskreditatsiya" qiluvchi materiallar uchun jazoni ko‘zda tutuvchi o‘zgartirishlar rad etildi

Parlament yuqori palatasining yalpi majlisida “Yo‘l harakati xavfsizligini takomillashtirish bilan bog‘liq jinoyat, jinoyat-protsessual va ma’muriy javobgarlik kodekslariga o‘zgartirishlar kiritish to‘g‘risida”gi qonun loyihasi ko‘rib chiqildi. Ushbu qonun loyihasi yo‘l harakati qoidalarini buzganlik uchun jarima ballari tizimini joriy etish, mast holda avtomobil boshqarganlik uchun jinoiy javobgarlik va boshqa qoidalarni o‘z ichiga oladi.

Shuningdek, qonunda huquqni muhofaza qiluvchi organlarning obro‘sini to‘kadigan foto va video materiallarni tarqatganlik uchun javobgarlik ham nazarda tutilgan edi. Biroq, senatorlar ushbu moddaning qayta ko‘rib chiqilishi zarurligini ta’kidlab, uni ma’qullamadi.

Senatning Mudofaa va xavfsizlik masalalari qo‘mitasi raisi o‘rinbosari Tolibjon Madumarov mazkur qonunning jarima ballari va huquqni muhofaza qiluvchilarni diskreditatsiya qilishga qaratilgan materiallar nashrini taqiqlash qoidalari bo‘yicha yanada batafsil ishlov berilishi lozimligini qayd etdi.

Bu maqsadda, qonunni yanada takomillashtirish uchun parlamentning ikki palatasi o‘rtasida kelishuv komissiyasi tuzilishi rejalashtirilmoqda.

Powered by Froala Editor