Merzning XDI ilk bor Meklenburg — G‘arbiy Pomeraniya landtagiga kira olmadi
Dunyo
Germaniya kansleri Fridrix Merz boshchiligidagi Xristian-demokratik ittifoq (XDI) Meklenburg — G‘arbiy Pomeraniya landtagiga saylovlarda ilk bor 5 foizlik to‘siqdan o‘ta olmadi. 20-sentabrdagi dastlabki rasmiy natijalarga ko‘ra, partiya 4,9 foiz ovoz oldi va yangi chaqiriq hududiy parlamentida vakillikka ega bo‘lmaydi.
Bu XDI 1946-yildan beri ushbu federal yer landtagiga saylovlarda ilk bor parlamentdan tashqarida qolganini anglatadi. 2021-yilgi saylovlarda partiya bu hududda 13,3 foiz ovoz olgan edi.
Meklenburg — G‘arbiy Pomeraniyada birinchi o‘rinni Germaniya uchun muqobil (AfD) partiyasi 38,2 foiz ovoz bilan egalladi. Amaldagi hududiy bosh vazir Manuela Shvezigning Germaniya sotsial-demokratik partiyasi (SPD) 35,5 foiz natija qayd etdi.
Ekzit-pollarning dastlabki natijalari e’lon qilingach, Merz XDI natijasini «falokat» deb atadi. 20-sentabr kuni kechqurun kansler hukumat rahbari va XDI raisi lavozimlarini tark etmoqchi emasligini ma’lum qildi. U islohotlar kursini davom ettirishini ham bildirdi. «Islohotlar — avtoritarizmga qarshi eng yaxshi dori», — dedi Merz.
Shu bilan birga, Berlinda Deputatlar palatasiga saylovlar bo‘lib o‘tdi. Dastlabki natijalarga ko‘ra, «So‘l» partiyasi 25,7 foiz, XDI 18,8 foiz, AfD 16 foiz, «Yashillar» 14,4 foiz, SPD esa 12,1 foiz ovoz oldi. Saylovchilarning ishtiroki 75 foizni tashkil etdi.
Kansler saylov natijalariga qaramay, o‘z siyosiy kursini saqlab qolish va islohotlarni davom ettirish niyatida ekanini bildirdi.
Meklenburg — G‘arbiy Pomeraniyada birinchi o‘rinni Germaniya uchun muqobil (AfD) partiyasi 38,2 foiz ovoz bilan egalladi. Amaldagi hududiy bosh vazir Manuela Shvezigning Germaniya sotsial-demokratik partiyasi (SPD) 35,5 foiz natija qayd etdi.
Ekzit-pollarning dastlabki natijalari e’lon qilingach, Merz XDI natijasini «falokat» deb atadi. 20-sentabr kuni kechqurun kansler hukumat rahbari va XDI raisi lavozimlarini tark etmoqchi emasligini ma’lum qildi. U islohotlar kursini davom ettirishini ham bildirdi. «Islohotlar — avtoritarizmga qarshi eng yaxshi dori», — dedi Merz.
Shu bilan birga, Berlinda Deputatlar palatasiga saylovlar bo‘lib o‘tdi. Dastlabki natijalarga ko‘ra, «So‘l» partiyasi 25,7 foiz, XDI 18,8 foiz, AfD 16 foiz, «Yashillar» 14,4 foiz, SPD esa 12,1 foiz ovoz oldi. Saylovchilarning ishtiroki 75 foizni tashkil etdi.
Kansler saylov natijalariga qaramay, o‘z siyosiy kursini saqlab qolish va islohotlarni davom ettirish niyatida ekanini bildirdi.
Powered by Froala Editor