Messi Argentina terma jamoasidagi faoliyatini gol va ikki golli uzatma bilan yakunladi
Sport
Lionel Messi Argentina terma jamoasidagi so‘nggi uchrashuvini o‘tkazib, xalqaro faoliyatini yorqin o‘yin bilan yakunladi. Buenos-Ayresdagi “Monumental” stadionida Benin terma jamoasiga qarshi o‘rtoqlik uchrashuvida Argentina 3:0 hisobida g‘alaba qozondi, jamoa sardori esa bir gol urib, ikki golli uzatma berdi.
Uchrashuvni qariyb 85 ming muxlis tomosha qildi. Messi terma jamoani sardor sifatida maydonga olib chiqdi va Argentinaning barcha uchta golida bevosita ishtirok etdi. 48-daqiqada u Nikolas Otamendiga, 61-daqiqada esa Nikolas Pasga golli uzatma berdi. 71-daqiqada Messi penaltini aniq amalga oshirdi. Bu uning Argentina safidagi 126-va so‘nggi goli bo‘ldi.
Xayrlashuv uchrashuvi Buenos-Ayresda keng ko‘lamli tadbirlar bilan kuzatildi. Minglab muxlislar terma jamoa avtobusini kutib olib, Messi nomini hayqirdi. Futbolchining 10-raqamli futbolkasi vertolyot yordamida osmonga ko‘tarildi, shahardagi binolarda esa uning suratlari namoyish etildi. Stadionda ham bayramona muhit hukm surdi. Argentina terma jamoasining maxsus dizayndagi formasida futbolchilarning familiyalari va raqamlari oltin rangda aks ettirildi, orqa qismida esa mamlakat milliy ramzlaridan biri bo‘lgan “may quyoshi” tasvirlandi.
Uchrashuvdan so‘ng Messi muxlislarga murojaat qildi. “Hatto eng og‘ir paytlarda ham men kurashishni hech qachon to‘xtatmadim, doimo bor kuchimni berdim va safda bo‘ldim. Jamoa bilan xayrlashish menga juda qattiq ta’sir qiladi. Qasam ichaman, bu yerga butun umrim davomida kelishni istardim, chunki Argentina terma jamoasida o‘ynash inson boshiga tushishi mumkin bo‘lgan eng yaxshi narsadir”, — dedi futbolchi.
Messi Argentina safidagi 21 yillik faoliyatini yakunladi. U terma jamoa tarkibida 208 ta o‘yin o‘tkazib, 126 ta gol urdi va har ikki ko‘rsatkich bo‘yicha rekordchi hisoblanadi. U Argentina bilan 2022-yilgi jahon chempionatida, 2021 va 2024-yillardagi Amerika Kubogida hamda 2022-yilgi Finalissimada g‘olib bo‘lgan. Shuningdek, u jahon chempionatida ikki marta kumush medalni qo‘lga kiritgan.
39 yoshli Messi sakkiz karra “Oltin to‘p” sohibi hisoblanadi va MLSda “Inter Mayami” safida faoliyatini davom ettirmoqda. Uning Argentina terma jamoasidagi so‘nggi uchrashuvi mamlakat futboli tarixidagi eng muvaffaqiyatli davrlardan birining yakuniga aylandi.
Xayrlashuv uchrashuvi Buenos-Ayresda keng ko‘lamli tadbirlar bilan kuzatildi. Minglab muxlislar terma jamoa avtobusini kutib olib, Messi nomini hayqirdi. Futbolchining 10-raqamli futbolkasi vertolyot yordamida osmonga ko‘tarildi, shahardagi binolarda esa uning suratlari namoyish etildi. Stadionda ham bayramona muhit hukm surdi. Argentina terma jamoasining maxsus dizayndagi formasida futbolchilarning familiyalari va raqamlari oltin rangda aks ettirildi, orqa qismida esa mamlakat milliy ramzlaridan biri bo‘lgan “may quyoshi” tasvirlandi.
Uchrashuvdan so‘ng Messi muxlislarga murojaat qildi. “Hatto eng og‘ir paytlarda ham men kurashishni hech qachon to‘xtatmadim, doimo bor kuchimni berdim va safda bo‘ldim. Jamoa bilan xayrlashish menga juda qattiq ta’sir qiladi. Qasam ichaman, bu yerga butun umrim davomida kelishni istardim, chunki Argentina terma jamoasida o‘ynash inson boshiga tushishi mumkin bo‘lgan eng yaxshi narsadir”, — dedi futbolchi.
Messi Argentina safidagi 21 yillik faoliyatini yakunladi. U terma jamoa tarkibida 208 ta o‘yin o‘tkazib, 126 ta gol urdi va har ikki ko‘rsatkich bo‘yicha rekordchi hisoblanadi. U Argentina bilan 2022-yilgi jahon chempionatida, 2021 va 2024-yillardagi Amerika Kubogida hamda 2022-yilgi Finalissimada g‘olib bo‘lgan. Shuningdek, u jahon chempionatida ikki marta kumush medalni qo‘lga kiritgan.
39 yoshli Messi sakkiz karra “Oltin to‘p” sohibi hisoblanadi va MLSda “Inter Mayami” safida faoliyatini davom ettirmoqda. Uning Argentina terma jamoasidagi so‘nggi uchrashuvi mamlakat futboli tarixidagi eng muvaffaqiyatli davrlardan birining yakuniga aylandi.
Powered by Froala Editor