Nursulton Nazarboyevning ukasi vafot etdi
Dunyo
Bolat Nazarboyevda 2015-yilda xavfli o‘sma (buyrak karsinomasi) aniqlangan. Keyin transplantatsiya amalga oshirilgan. Kasallik progressiv og‘ir qandli diabet bilan murakkablashgan. 2021-yilda shifokorlar yana bir tashxisni – halqum saratonini qo‘ygan. 2021-yil 29-iyul kuni Germaniyada Qozog‘iston Birinchi Prezidentining ukasi halqumni olib tashlash bo‘yicha operatsiya qilingan, shundan so‘ng ko‘plab asoratlar paydo bo‘lgan. Sentyabr oyida sepsis va tromboz rivojlanib, uning ahvoli og‘irlashgan. U komaga tushgan va klinik o‘limdan omon qolgan.
Qozog‘iston sobiq Prezidenti Nursulton Nazarboyevning ukasi Bolat Nazarboyev vafot etdi, deb xabar berdi Qozogʻiston Birinchi Prezidenti matbuot kotibi Aydos Ukibay.
“70 yoshida, uzoq davom etgan xastalikdan so‘ng Qozog‘iston Respublikasining Birinchi Prezidenti Nursulton Nazarboyevning ukasi Bolat Abishevich Nazarboyev vafot etdi”, deb yozdi u X ijtimoiy tarmog‘idagi sahifasida.
Dastlabki ma’lumotlarga ko‘ra, Bolat Nazarboyev yurak xuruji sabab jonlantirish bo‘limiga yotqizilgan. Ko'rilgan tibbiy yordam choralari foyda bermagan.
Bolat Nazarboyev yotgan shifoxona ma’lumotlariga ko‘ra, 13-noyabr kuni soat 09:51 da uning joni uzilgan.
Bolat Nazarboyev 1990-yillarda biznes bilan shug‘ullangan. “Salikali urpak” xayriya jamoat fondi asoschisi. Boshqa tadbirkorlar uni bosqinchilikda bir necha bor ayblashgan, biroq unga nisbatan rasmiy ayblovlar qo‘yilmagan. Biroq sobiq Prezidentning ukasi bir qancha mol-mulkidan, jumladan, turli viloyatlar va bozorlardagi yerlardan ayrilgan.
“70 yoshida, uzoq davom etgan xastalikdan so‘ng Qozog‘iston Respublikasining Birinchi Prezidenti Nursulton Nazarboyevning ukasi Bolat Abishevich Nazarboyev vafot etdi”, deb yozdi u X ijtimoiy tarmog‘idagi sahifasida.
Dastlabki ma’lumotlarga ko‘ra, Bolat Nazarboyev yurak xuruji sabab jonlantirish bo‘limiga yotqizilgan. Ko'rilgan tibbiy yordam choralari foyda bermagan.
Bolat Nazarboyev yotgan shifoxona ma’lumotlariga ko‘ra, 13-noyabr kuni soat 09:51 da uning joni uzilgan.
Bolat Nazarboyev 1990-yillarda biznes bilan shug‘ullangan. “Salikali urpak” xayriya jamoat fondi asoschisi. Boshqa tadbirkorlar uni bosqinchilikda bir necha bor ayblashgan, biroq unga nisbatan rasmiy ayblovlar qo‘yilmagan. Biroq sobiq Prezidentning ukasi bir qancha mol-mulkidan, jumladan, turli viloyatlar va bozorlardagi yerlardan ayrilgan.
Powered by Froala Editor