Osiyo iqtisodiyoti yangi davr sari yo‘l olmoqda
Iqtisodiyot
Markaziy Osiyo iqtisodiyoti 2025-yilda 5 foizgacha o‘sishi mumkin. Ushbu prognoz Xitoyda bo‘lib o‘tadigan Boaodagi Osiyo forumi boshlanishi munosabati bilan "Osiyoda iqtisodiy istiqbollar va integratsiya" ma’ruzasida keltirilgan.
Joriy haftada Xitoyning Xaynan muzofotida “Osiyo o‘zgaruvchan dunyoda: umumiy kelajak sari” shiori ostida Boao Osiyo forumi (BAF) boshlandi. Forum doirasida 50 dan ortiq mavzudagi muhokamalar rejalashtirilgan bo‘lib, asosiy e’tibor Osiyo mamlakatlarining iqtisodiy rivojlanishi, integratsiya jarayonlari va innovatsiyalar roliga qaratiladi.
Tayyorlangan hisobotda keltirilishicha, 2025-yilda Osiyo mamlakatlari yalpi ichki mahsulotining o‘sish sur’ati 4,5 foizni tashkil etadi. Markaziy Osiyoda esa bu ko‘rsatkich 5 foizgacha oshishi kutilmoqda.
Hisobot mualliflarining qayd etishicha, Osiyo texnologiya va ilmiy ishlanmalarga faol sarmoya kiritish orqali o‘z mavqeini mustahkamlamoqda. So‘nggi yillarda mintaqa patent talabnomalari soni bo‘yicha boshqa qit’alarni ortda qoldirib, dunyo yetakchilari qatoriga chiqdi.
Ekspertlar aytishicha, Osiyo jahon iqtisodiyotidagi mavqeini mustahkamlashda davom etmoqda. 2025-yilda Osiyoning xarid qobiliyati muvozanati bo‘yicha yalpi ichki mahsulotdagi ulushi 48,6 foizgacha oshishi bashorat qilinmoqda. Shu bilan birga, tovar savdosi asta-sekin tiklansa, xizmatlar bozorida jadal o‘sish kuzatilmoqda.
Boao forumi Osiyo iqtisodiy integratsiyasini rivojlantirish maqsadida 2001-yilda tashkil etilgan bo‘lib, bu yilgi tadbir ham mintaqaning kelajakdagi rivojlanish yo‘nalishlarini belgilashda muhim ahamiyatga ega bo‘ladi.
Tayyorlangan hisobotda keltirilishicha, 2025-yilda Osiyo mamlakatlari yalpi ichki mahsulotining o‘sish sur’ati 4,5 foizni tashkil etadi. Markaziy Osiyoda esa bu ko‘rsatkich 5 foizgacha oshishi kutilmoqda.
Hisobot mualliflarining qayd etishicha, Osiyo texnologiya va ilmiy ishlanmalarga faol sarmoya kiritish orqali o‘z mavqeini mustahkamlamoqda. So‘nggi yillarda mintaqa patent talabnomalari soni bo‘yicha boshqa qit’alarni ortda qoldirib, dunyo yetakchilari qatoriga chiqdi.
Ekspertlar aytishicha, Osiyo jahon iqtisodiyotidagi mavqeini mustahkamlashda davom etmoqda. 2025-yilda Osiyoning xarid qobiliyati muvozanati bo‘yicha yalpi ichki mahsulotdagi ulushi 48,6 foizgacha oshishi bashorat qilinmoqda. Shu bilan birga, tovar savdosi asta-sekin tiklansa, xizmatlar bozorida jadal o‘sish kuzatilmoqda.
Boao forumi Osiyo iqtisodiy integratsiyasini rivojlantirish maqsadida 2001-yilda tashkil etilgan bo‘lib, bu yilgi tadbir ham mintaqaning kelajakdagi rivojlanish yo‘nalishlarini belgilashda muhim ahamiyatga ega bo‘ladi.
Powered by Froala Editor