O‘zbekistonda kam ta’minlangan oilalar toifalarga ajratiladi

Prezident farmoniga ko‘ra, endilikda og‘ir moliyaviy ahvolga tushib qolgan oilalar uch guruhga ajratilib, toifaga qarab davlat tomonidan yordam ko‘rsatiladi.

"Qizil" toifa - bir kishiga to‘g‘ri keladigan daromad minimal iste’mol xarajatlaridan (669 ming so‘m) past bo‘lgan va quyidagi omillardan hech bo‘lmaganda bittasi mavjud bo‘lgan oilalar:

• oila a’zolaridan birining nogironligi yoki sog‘lig‘ining og‘irligi;
• nogironligi bo‘lgan bolaning yoki doimiy parvarishga muhtoj bo‘lgan boshqa qaramog‘idagi shaxsning mavjudligi;
• qarovchisi bo‘lmagan yolg‘iz keksa yoki nogiron;
• boquvchisini yo‘qotganlik yoki uning ozodlikdan mahrum etish joylarida bo‘lganligi.

"Sariq" toifa - daromad ham minimal xarajatlardan past, lekin oilaning barcha a’zolari mehnatga layoqatli va yuqoridagi cheklovlarga ega emas.

"Yashil" toifa - bir oila a’zosiga 669 ming so‘mdan 1 mln 3 ming 500 so‘mgacha daromad to‘g‘ri keladi, bunda:

• oila ilgari "qizil" yoki "sariq" toifaga kirgan,
• yoki kam ta’minlanganlar ro‘yxatiga tushish ehtimoli yuqori.

Ushbu tizim 15-maydan boshlab ishlay boshlaydi va hukumatning rejasiga ko‘ra, ijtimoiy qo‘llab-quvvatlash samaradorligi va uni taqsimlash aniqligini oshirishi kerak.

Powered by Froala Editor