Telegram Moskvada yana 7 mln rubl jarimaga tortildi

Moskva Taganskiy sudi Telegram Messengerni 7 million rubl jarimaga tortdi, bu Rossiya Federatsiyasi Ma’muriy huquqbuzarliklar kodeksi 13.41-moddasi 4-qismi bo‘yicha ekstremistik chaqiriqlar bilan bog‘liq ma’lumotni o‘chirmaganligi sababli amalga oshirildi.

Sud qaroriga ko‘ra: «Telegram Messenger Inc ma’muriy huquqbuzarlik sodir etganligi tan olinsin va unga 7 million rubl miqdorida ma’muriy jarima tayinlansin».

Shu kunning o‘zida messenjer 3,8 million rubl miqdorida boshqa protokol bo‘yicha jarimaga tortilgan edi. Bu protokol Rossiya Qurolli Kuchlari, spirtli ichimlik va tamaki mahsulotlari savdosi hamda shaxsiy ma’lumotlarni tarqatish va sotish bo‘yicha yolg‘on ma’lumotlarni tarqatish va o‘chirmagani uchun tuzilgan edi.

Powered by Froala Editor