Tojikiston fuqarosi ISHIDga yordam berganlikda gumonlanib AQSHda qo'lga olindi
Dunyo
Tojikiston fuqarosi Nyu-Yorkning Bruklin shahrida, noqonuniy o'qotar qurol bilan qo'lga olindi. U Iroq va Shom islom davlati (IShID) va "Islomiy davlat-Xuroson viloyati" (IShID-K)ga moddiy yordam ko'rsatish uchun til biriktirganlikda gumonlanmoqda. Shuningdek u noqonuniy qurol saqlash va immigratsion firibgarlikda ayblanmoqda.
Rasmiy ma’lumotlarga ko‘ra 33 yoshli Mansur Manuchehri kecha 26-fevral kuni qo‘lga olingan.
Maxsus xizmatlarning aytishicha, Manuchehri 2016-yil iyun oyida Tojikistondan AQShga noimmigratsion sayyohlik vizasi bilan kelgan va viza muddati 2016-yil dekabrda tugaganidan keyin mamlakatda noqonuniy qolgan. 2017-yil mart oyida u AQSh fuqarosiga pul to‘lab, soxta nikoh tuzgan va shu yo‘l bilan AQShda qonuniy maqom olishga harakat qilgan. Biroq u talab qilingan hujjatlarni taqdim eta olmagan va uning arizasi qanoatlantirilmagan.
Shuningdek, taxminan 2021-yil dekabrdan 2023-yil aprelgacha Manuchehri Turkiya va Suriyada IShID bilan bog‘liq shaxslarga jami 50 000 dollardan ortiq mablag‘ o‘tkazgani aytilmoqda. Ushbu pullar, jumladan, 2024-yil yanvar oyida Istanbuldagi cherkovga hujum uyushtirishda gumon qilingan shaxsga ham yuborilgan. U shaxs keyinchalik Turkiya hukumati tomonidan hibsga olingan.
Agar aybdor deb topilsa, Mansur Manuchehri 45 yilgacha ozodlikdan mahrum etilishi mumkin.
Maxsus xizmatlarning aytishicha, Manuchehri 2016-yil iyun oyida Tojikistondan AQShga noimmigratsion sayyohlik vizasi bilan kelgan va viza muddati 2016-yil dekabrda tugaganidan keyin mamlakatda noqonuniy qolgan. 2017-yil mart oyida u AQSh fuqarosiga pul to‘lab, soxta nikoh tuzgan va shu yo‘l bilan AQShda qonuniy maqom olishga harakat qilgan. Biroq u talab qilingan hujjatlarni taqdim eta olmagan va uning arizasi qanoatlantirilmagan.
Shuningdek, taxminan 2021-yil dekabrdan 2023-yil aprelgacha Manuchehri Turkiya va Suriyada IShID bilan bog‘liq shaxslarga jami 50 000 dollardan ortiq mablag‘ o‘tkazgani aytilmoqda. Ushbu pullar, jumladan, 2024-yil yanvar oyida Istanbuldagi cherkovga hujum uyushtirishda gumon qilingan shaxsga ham yuborilgan. U shaxs keyinchalik Turkiya hukumati tomonidan hibsga olingan.
Agar aybdor deb topilsa, Mansur Manuchehri 45 yilgacha ozodlikdan mahrum etilishi mumkin.
Powered by Froala Editor