Xusanov Angliyani zabt etayotgan o‘zbek jangchisi
Sport
"Manchester City" rasmiy sayti qisqa vaqt ichida muxlislarning sevimlisiga aylangan o‘zbekistonlik yosh himoyachi Abduqodir Xusanovga bag‘ishlangan katta maqolani e’lon qildi. Ushbu materialda uning futbolga bo‘lgan yo‘li, oilaviy hayoti, xarakteri va Angliyadagi ilk qadamlariga batafsil to‘xtalib o‘tilgan. Xusanovning hikoyasi – jasorat, matonat va iste’dod yordamida futbol olamining eng yuqori cho‘qqilariga chiqish haqida.
"Manchester City" bilan shartnoma imzolaganidan atigi besh kun o‘tib, Xusanov "Chelsi"ga qarshi o‘z debyutini o‘tkazdi. O‘yin qiyin boshlandi: uchinchi daqiqada u xatoga yo‘l qo‘yib, raqib gol urishiga sabab bo‘ldi, oradan bir daqiqa o‘tib esa sariq kartochka oldi. Millionlab tomoshabinlarning e’tibori va bosimi 20 yoshli himoyachini sindirishi mumkin edi, ammo u xarakter ko‘rsatdi. Xusanov nafaqat o‘yinni mardonavor yakunladi, balki 54-daqiqada almashtirilayotganda muxlislarning olqishiga sazovor bo‘ldi.
Abduqodir Xusanov 2004 yilda Toshkentda tug‘ilgan. Futbol uning qonida bor – otasi Hikmatjon Xoshimov O‘zbekiston milliy terma jamoasi safida to‘p surgan. U ilk futbol qadamlarini "Bunyodkor" akademiyasida qo‘ydi va bu yerda uning iste’dodi tezda namoyon bo‘ldi. "Uning tezligi va intizomi ajoyib edi. Hech qachon bahslashmasdi, kamtar edi, ammo maydonda shunday o‘ynardiki, oyoqlari ostidan uchqunlar chiqardi", – deb eslaydi uning ilk murabbiyi Sergey Chigodayev.
Xusanov 17 yoshida Belarusning "Energetik-BGU" klubida o‘ynadi. Keyinchalik u Argentina mezbonlik qilgan yoshlar o‘rtasidagi Jahon chempionatida o‘zini ko‘rsatib, Yevropa klublari skautlarining e’tiborini tortdi. Uning turnirdagi ishtiroki mutaxassislarni hayratga soldi va 2023 yilda u Fransiyaning "Lans" klubiga o‘tdi. U yerda tezda asosiy tarkib futbolchisiga aylandi va hatto 2024-yil oktyabr oyida Liga 1 ning eng yaxshi yosh futbolchisi deb e’tirof etildi.
2025-yil yanvar oyida Xusanov tarixga kirdi – u Angliya Premyer-ligasida to‘p surgan ilk o‘zbek futbolchisiga aylandi va "Manchester City" bilan shartnoma imzoladi. Uning yoshi hali kichik bo‘lishiga va katta klublarda tajribasi yo‘qligiga qaramay, u qisqa vaqt ichida o‘zini isbotladi. Atigi bir necha hafta ichida u "Etihad"da oyning eng yaxshi futbolchisi deb topildi. Mo Salah va Son Xyon Min kabi yulduz futbolchilarga qarshi o‘yinlari esa uni kelajak yulduzi sifatida tilga olishga sabab bo‘ldi.
Xusanov oddiy futbolchi emas – u butun bir xalqning umidi ramziga aylangan. Uning kamtarligi, mehnatsevarligi va iste’dodi uni nafaqat muxlislar sevimlisiga, balki yosh avlod uchun ibratga aylantirdi. O‘zbek jangchisi Angliyani zabt etishda davom etmoqda va ehtimol, bu hali uning buyuk yo‘lining boshlanishidir.
Abduqodir Xusanov 2004 yilda Toshkentda tug‘ilgan. Futbol uning qonida bor – otasi Hikmatjon Xoshimov O‘zbekiston milliy terma jamoasi safida to‘p surgan. U ilk futbol qadamlarini "Bunyodkor" akademiyasida qo‘ydi va bu yerda uning iste’dodi tezda namoyon bo‘ldi. "Uning tezligi va intizomi ajoyib edi. Hech qachon bahslashmasdi, kamtar edi, ammo maydonda shunday o‘ynardiki, oyoqlari ostidan uchqunlar chiqardi", – deb eslaydi uning ilk murabbiyi Sergey Chigodayev.
Xusanov 17 yoshida Belarusning "Energetik-BGU" klubida o‘ynadi. Keyinchalik u Argentina mezbonlik qilgan yoshlar o‘rtasidagi Jahon chempionatida o‘zini ko‘rsatib, Yevropa klublari skautlarining e’tiborini tortdi. Uning turnirdagi ishtiroki mutaxassislarni hayratga soldi va 2023 yilda u Fransiyaning "Lans" klubiga o‘tdi. U yerda tezda asosiy tarkib futbolchisiga aylandi va hatto 2024-yil oktyabr oyida Liga 1 ning eng yaxshi yosh futbolchisi deb e’tirof etildi.
2025-yil yanvar oyida Xusanov tarixga kirdi – u Angliya Premyer-ligasida to‘p surgan ilk o‘zbek futbolchisiga aylandi va "Manchester City" bilan shartnoma imzoladi. Uning yoshi hali kichik bo‘lishiga va katta klublarda tajribasi yo‘qligiga qaramay, u qisqa vaqt ichida o‘zini isbotladi. Atigi bir necha hafta ichida u "Etihad"da oyning eng yaxshi futbolchisi deb topildi. Mo Salah va Son Xyon Min kabi yulduz futbolchilarga qarshi o‘yinlari esa uni kelajak yulduzi sifatida tilga olishga sabab bo‘ldi.
Xusanov oddiy futbolchi emas – u butun bir xalqning umidi ramziga aylangan. Uning kamtarligi, mehnatsevarligi va iste’dodi uni nafaqat muxlislar sevimlisiga, balki yosh avlod uchun ibratga aylantirdi. O‘zbek jangchisi Angliyani zabt etishda davom etmoqda va ehtimol, bu hali uning buyuk yo‘lining boshlanishidir.
Powered by Froala Editor