Abduqodir Xusanov dunyoning TOP-100 futbolchilari qatoriga kirdi — O‘zbekiston uchun tarixiy natija
Sport
«Manchester City» va O‘zbekiston terma jamoasi himoyachisi Abduqodir Xusanov britaniyalik The Athletic nashri tuzgan jahonning eng kuchli yuz futbolchisi reytingiga ilk bor kirdi. U 86-o‘rinni egallab, Yevropaning eng tez rivojlanayotgan himoyachilaridan biri sifatidagi mavqeini tasdiqladi.
Reytingni tuzishda mutaxassislar futbolchilarning klubdagi hozirgi shakli bilan birga, yaqinlashib kelayotgan jahon chempionatida terma jamoalarga ko‘rsatishi mumkin bo‘lgan ta’sirini ham baholadi. Barqaror o‘yin, murakkab toifadagi uchrashuvlardagi ko‘rsatkichlar va yil davomida stabil natijalar inobatga olingan.
Xusanovning ro‘yxatga kiritilishi uning muvaffaqiyatli yilini davom ettirdi. Avvalroq u Angliya Premyer-ligasida postsovet hududidan chiqqan eng qimmat futbolchi sifatida qayd etilgandi — endi bu maqom xalqaro darajada ham tasdiqlandi.
Reytingda birinchi o‘rinni Kilian Mbappe egalladi. Ikkinchi o‘rinda Xusanovning jamoadoshi Erling Holand, uchinchi o‘rinda esa Lamina Yamal qayd etildi. Kuchli o‘nlikka Garri Keyn, Pedri, Bellingem, Vinisius Junior, Lionel Messi, Kevin de Bruyne va Janluiji Donnarumma ham kirdi.
Mutaxassislar Krishtianu Ronalduga alohida e’tibor qaratib, uni 25-o‘ringa joylashtirdi — bu uning hali ham eng yuqori darajada raqobat qila olishini ko‘rsatadi.
Markaziy Osiyo futboli uchun Xusanovning ushbu ro‘yxatga kirishi tarixiy voqea bo‘ldi — ilk bor mintaqa himoyachisi Italiya va Germaniya terma jamoalarining kengaytirilgan tarkibidagi futbolchilardan yuqori o‘rin egalladi.
Xusanovning ro‘yxatga kiritilishi uning muvaffaqiyatli yilini davom ettirdi. Avvalroq u Angliya Premyer-ligasida postsovet hududidan chiqqan eng qimmat futbolchi sifatida qayd etilgandi — endi bu maqom xalqaro darajada ham tasdiqlandi.
Reytingda birinchi o‘rinni Kilian Mbappe egalladi. Ikkinchi o‘rinda Xusanovning jamoadoshi Erling Holand, uchinchi o‘rinda esa Lamina Yamal qayd etildi. Kuchli o‘nlikka Garri Keyn, Pedri, Bellingem, Vinisius Junior, Lionel Messi, Kevin de Bruyne va Janluiji Donnarumma ham kirdi.
Mutaxassislar Krishtianu Ronalduga alohida e’tibor qaratib, uni 25-o‘ringa joylashtirdi — bu uning hali ham eng yuqori darajada raqobat qila olishini ko‘rsatadi.
Markaziy Osiyo futboli uchun Xusanovning ushbu ro‘yxatga kirishi tarixiy voqea bo‘ldi — ilk bor mintaqa himoyachisi Italiya va Germaniya terma jamoalarining kengaytirilgan tarkibidagi futbolchilardan yuqori o‘rin egalladi.
Powered by Froala Editor