AQSH va Eron yadroviy dastur bo‘yicha murosaga yaqinlashdi
Dunyo
Jenevada AQSH va Eron o‘rtasida yadroviy dastur yuzasidan ikkinchi bilvosita muzokara bo‘lib o‘tdi. Tomonlar “taraqqiyot” borligini aytdi va bo‘lajak kelishuvning asosiy tamoyillarini kelishib oldi, biroq bir vaqtning o‘zida keskin siyosiy va harbiy signallar ham yangradi.
17-fevral kuni Jenevada O‘mon vositachiligida muzokaralarning ikkinchi bosqichi o‘tkazildi. Uchrashuv bilvosita shaklda bo‘lib, delegatsiyalar vositachilar orqali muloqot qildi.
Eron tashqi ishlar vaziri Abbos Aroqchi tomonlar kelishuvning asosiy tamoyillari bo‘yicha tushunishga erishganini bildirdi. Uning aytishicha, endi aniq harakat rejasi mavjud, biroq tafsilotlar hali kelishilishi kerak.
AQSH ham muzokaralarda ma’lum yutuqqa erishilganini tasdiqladi.
Manbalarga ko‘ra, Eron uranni boyitishni uch yildan besh yilgacha to‘xtatishga tayyor. Shundan so‘ng Tehron fuqarolik maqsadidagi boyitish bo‘yicha mintaqaviy konsorsiumda ishtirok etishi mumkin. Bundan tashqari, mavjud uran zaxiralarini xalqaro inspektorlar nazorati ostida suyultirish masalasi ham muhokama qilinmoqda.
Buning evaziga Eron moliyaviy va bank sanksiyalarini bekor qilishni hamda neft embargosini olib tashlashni talab qilmoqda. Tehron energetika sohasida AQSH uchun investitsiya imkoniyatlarini ham taklif qilgan.
AQSH prezidenti Donald Tramp Eron kelishuvdan manfaatdorligini aytdi, biroq muzokaralar muvaffaqiyatsiz tugasa, harbiy zarbalar bo‘lishi mumkinligini ogohlantirdi.
Muzokaralar fonida AQSH mintaqadagi harbiy kuchini oshirdi. Fors ko‘rfaziga ikkita yirik aviatsiya tashuvchi kema yuborildi.
Bunga javoban Eron Islom inqilobi qo‘riqchilari korpusi Hormuz bo‘g‘ozida dengiz mashg‘ulotlarini boshladi. Bu hudud dunyo neft savdosi uchun eng muhim yo‘llardan biri hisoblanadi.
Birinchi bilvosita muzokara 6-fevral kuni Maskatda o‘tkazilgan edi. Keyingi uchrashuv sanasi hozircha e’lon qilinmadi.
Eron tashqi ishlar vaziri Abbos Aroqchi tomonlar kelishuvning asosiy tamoyillari bo‘yicha tushunishga erishganini bildirdi. Uning aytishicha, endi aniq harakat rejasi mavjud, biroq tafsilotlar hali kelishilishi kerak.
AQSH ham muzokaralarda ma’lum yutuqqa erishilganini tasdiqladi.
Manbalarga ko‘ra, Eron uranni boyitishni uch yildan besh yilgacha to‘xtatishga tayyor. Shundan so‘ng Tehron fuqarolik maqsadidagi boyitish bo‘yicha mintaqaviy konsorsiumda ishtirok etishi mumkin. Bundan tashqari, mavjud uran zaxiralarini xalqaro inspektorlar nazorati ostida suyultirish masalasi ham muhokama qilinmoqda.
Buning evaziga Eron moliyaviy va bank sanksiyalarini bekor qilishni hamda neft embargosini olib tashlashni talab qilmoqda. Tehron energetika sohasida AQSH uchun investitsiya imkoniyatlarini ham taklif qilgan.
AQSH prezidenti Donald Tramp Eron kelishuvdan manfaatdorligini aytdi, biroq muzokaralar muvaffaqiyatsiz tugasa, harbiy zarbalar bo‘lishi mumkinligini ogohlantirdi.
Muzokaralar fonida AQSH mintaqadagi harbiy kuchini oshirdi. Fors ko‘rfaziga ikkita yirik aviatsiya tashuvchi kema yuborildi.
Bunga javoban Eron Islom inqilobi qo‘riqchilari korpusi Hormuz bo‘g‘ozida dengiz mashg‘ulotlarini boshladi. Bu hudud dunyo neft savdosi uchun eng muhim yo‘llardan biri hisoblanadi.
Birinchi bilvosita muzokara 6-fevral kuni Maskatda o‘tkazilgan edi. Keyingi uchrashuv sanasi hozircha e’lon qilinmadi.
Powered by Froala Editor