Centrum Air Samarqand - Vladivostok yo‘nalishi bo‘yicha birinchi reysni amalga oshirdi
O'zbekiston
Centrum Air aviakompaniyasi 2025-yil 23-iyun kuni O‘zbekiston va Rossiya o‘rtasidagi parvozlar tarmog‘ini faol kengaytirishni davom ettirgan holda Samarqand - Vladivostok yo‘nalishi bo‘yicha tarixda birinchi to‘g‘ridan-to‘g‘ri reysni amalga oshirdi.
Foto muallifi - Andrey Yefimkin
Bu tarixiy yo‘nalish: ilgari hech bir O‘zbekiston aviakompaniyasi ushbu shaharlar o‘rtasida to‘g‘ridan-to‘g‘ri havo qatnovlarini amalga oshirmagan. Yangi reys O‘zbekiston va Primorye o‘lkasi o‘rtasida muhim havo yo‘lagini ochib, ishbilarmonlik, sayyohlik va gumanitar sayohatlar uchun qo‘shimcha imkoniyatlar yaratdi.
Parvozlar har hafta, dushanba kunlari zamonaviy Airbus A320 laynerlarida amalga oshiriladi.
Vladivostok aeroportida birinchi reys tantanali ravishda kutib olindi. Tadbirda Rossiya Federatsiyasi Turizm vaziri va Transport vazirligi, O‘zbekiston konsulligi vakillari, shuningdek, Primorye o‘lkasi gubernatori Oleg Kojemyako boshchiligidagi delegatsiya ishtirok etdi. Uchrashuv ishtirokchilari yangi yo‘nalishning mintaqalararo sheriklikni rivojlantirishdagi ahamiyatini qayd etdilar.
Avvalroq, 2024-yil noyabr oyida Primorye o‘lkasi gubernatori Oleg Kojemyako rasmiy tashrif bilan O‘zbekistonda bo‘lgan edi. Tashrif doirasida transport va turizm sohalaridagi hamkorlik istiqbollari muhokama qilindi.
Aviachiptalar rasmiy veb-saytda va aviakompaniyaning rasmiy agentlarida mavjud.
Parvozlar har hafta, dushanba kunlari zamonaviy Airbus A320 laynerlarida amalga oshiriladi.
Vladivostok aeroportida birinchi reys tantanali ravishda kutib olindi. Tadbirda Rossiya Federatsiyasi Turizm vaziri va Transport vazirligi, O‘zbekiston konsulligi vakillari, shuningdek, Primorye o‘lkasi gubernatori Oleg Kojemyako boshchiligidagi delegatsiya ishtirok etdi. Uchrashuv ishtirokchilari yangi yo‘nalishning mintaqalararo sheriklikni rivojlantirishdagi ahamiyatini qayd etdilar.
Avvalroq, 2024-yil noyabr oyida Primorye o‘lkasi gubernatori Oleg Kojemyako rasmiy tashrif bilan O‘zbekistonda bo‘lgan edi. Tashrif doirasida transport va turizm sohalaridagi hamkorlik istiqbollari muhokama qilindi.
Aviachiptalar rasmiy veb-saytda va aviakompaniyaning rasmiy agentlarida mavjud.
Powered by Froala Editor