Germaniya Prezidenti 14 ta vazirni iste'foga chiqardi
Dunyo
Germaniya Prezidenti Frank-Valter Shtaynmayer yangi Bundestagning birinchi majlisida Germaniya kansleri Olaf Shols boshchiligidagi hukumatni ishdan bo'shatdi.
Germaniyaning "Deutsche Welle" telekanali ma'lumotiga ko'ra, Prezident mamlakat kansleri va hukumatning 14 nafar vaziriga iste'foga chiqishi to'g'risidagi hujjatlarni topshirgan. Marosim Berlin markazidagi Belvyu Prezident saroyida bo'lib o'tdi.
Prezident ularga minnatdorlik izhor etib, federal kansler va hukumatning faoliyati davomidagi ajoyib sa'y-harakatlarini yuqori baholadi.
"Biroq u Olaf Shols va barcha 14 vazirdan yana bir necha hafta davomida vaqtinchalik vazifani bajaruvchi sifatida qolishni so'radi, – deya ma'lum qiladi telekanal. – Bunday tartib qonunda ham nazarda tutilgan. Ular yangi hukumat tuzilguncha ishlashda davom etadilar".
Ma'lumot o'rnida, fevral oyi oxirida Germaniyada mamlakat parlamentiga muddatidan oldin saylovlar bo'lib o'tdi. Unda Fridrix Mers boshchiligidagi Xristian-demokratik va Xristian-sotsial ittifoqining konservativ bloki g'alaba qozondi.
Powered by Froala Editor