Grinspan BMT bosh kotibi lavozimi uchun poygada yetakchilikni saqlab qolmoqda
Dunyo
BMTning navbatdagi bosh kotibi lavozimiga nomzodlar Xavfsizlik Kengashida ikkinchi norasmiy ovoz berish bosqichidan o‘tmoqda. 30-iyuldagi ilk so‘rov natijalariga ko‘ra, Kosta-Rika vakili Rebeka Grinspan 10 ta «qo‘llab-quvvatlayman» va atigi bitta «qarshiman» ovozi bilan yetakchilik qilgan.
Poygada, shuningdek, MAGATE rahbari Rafael Grossi (Argentina), Chilining sobiq prezidenti Mishel Bachelet, BMT Bosh Assambleyasining sobiq raisi Mariya Fernanda Espinosa (Ekvador), Gayana vakili Kerolin Rodriges-Birket, BMT sobiq bosh kotib o‘rinbosari Olara Otunnu (Uganda) va Senegalning sobiq prezidenti Maki Sall qatnashmoqda. Birinchi bosqichdan so‘ng ekvadorlik diplomat Ivonne Baki ham nomzodlar safiga qo‘shildi.
Norasmiy ovoz berishda Kengashning 15 a’zosi har bir nomzodni «qo‘llab-quvvatlayman», «qarshiman» yoki «fikrim yo‘q» mezonlari asosida yashirin baholaydi. Nomzod kamida to‘qqizta ovoz olishi va Xavfsizlik Kengashining besh doimiy a’zosi — Rossiya, AQSh, Xitoy, Fransiya va Buyuk Britaniyadan veto olmasligi kerak.
Xalqaro inqirozlar guruhi tahlilchisi Daniel Fortining fikricha, ikkinchi ovoz berish yetakchi nomzodlarning pozitsiyasi qanchalik mustahkamligini ko‘rsatishi mumkin. Biroq u hozirgi bosqichdayoq biror nomzod hal qiluvchi ustunlikka ega bo‘lishini ehtimoldan yiroq deb hisoblaydi.
BMTning amaldagi bosh kotibi António Guterres ikkinchi besh yillik vakolatini 2026-yil 31-dekabrda yakunlaydi. Mintaqaviy rotatsiya an’anasiga ko‘ra, uning vorisi Lotin Amerikasidan bo‘lishi kutilmoqda.
Norasmiy ovoz berishda Kengashning 15 a’zosi har bir nomzodni «qo‘llab-quvvatlayman», «qarshiman» yoki «fikrim yo‘q» mezonlari asosida yashirin baholaydi. Nomzod kamida to‘qqizta ovoz olishi va Xavfsizlik Kengashining besh doimiy a’zosi — Rossiya, AQSh, Xitoy, Fransiya va Buyuk Britaniyadan veto olmasligi kerak.
Xalqaro inqirozlar guruhi tahlilchisi Daniel Fortining fikricha, ikkinchi ovoz berish yetakchi nomzodlarning pozitsiyasi qanchalik mustahkamligini ko‘rsatishi mumkin. Biroq u hozirgi bosqichdayoq biror nomzod hal qiluvchi ustunlikka ega bo‘lishini ehtimoldan yiroq deb hisoblaydi.
BMTning amaldagi bosh kotibi António Guterres ikkinchi besh yillik vakolatini 2026-yil 31-dekabrda yakunlaydi. Mintaqaviy rotatsiya an’anasiga ko‘ra, uning vorisi Lotin Amerikasidan bo‘lishi kutilmoqda.
Powered by Froala Editor