Meta bolalarga ijtimoiy tarmoqlarning zarari bo‘yicha ishda $1,4 trln gacha jarimaga duch kelishi mumkin
Dunyo
AQSh federal sudida Meta Platforms kompaniyasiga qarshi sud jarayoni boshlandi. Shtat hokimiyatlari kompaniyani Facebook va Instagram platformalarini bolalar va o‘smirlarda qaramlikni shakllantirishi mumkin bo‘lgan mexanizmlar asosida ishlab chiqishda ayblamoqda. Da’vogarlar bunday model foydalanuvchilar faolligini va reklama daromadlarini oshirishga xizmat qilganini, ayni paytda yosh foydalanuvchilar uchun xavflarni kuchaytirganini ta’kidlamoqda.
Kengroq federal da’vo AQShning 29 shtati bosh prokurorlarining talablarini birlashtiradi. Biroq Oklenddagi ayni sud jarayonida to‘rtta shtat — Kaliforniya, Kolorado, Kentukki va Nyu-Jersi ishtirok etmoqda. Sud jarayoni 18 avgust kuni tomonlarning dastlabki bayonotlari bilan boshlandi.
Shtatlar Meta foydalanuvchilarni platformalarda uzoqroq ushlab turishga qaratilgan funksiyalardan ongli ravishda foydalanganini va xizmatlarning bolalar uchun xavfsizligi haqida jamoatchilikni chalg‘itganini ta’kidlamoqda. Ish doirasida cheksiz tasma, algoritmik tavsiyalar, bildirishnomalar va “layk” kabi funksiyalar ham muhokama qilinmoqda.
Meta ayblovlarni rad etmoqda. Kompaniya shtatlar taqdim etgan da’volar platformalarni bolalar uchun ataylab xavfli qilishga intilish mavjudligini isbotlamasligini bildirgan.
Da’vogarlar g‘alaba qozongan taqdirda, ehtimoliy moliyaviy sanksiyalar hajmi $1,4 trln gacha yetishi mumkin. Bundan tashqari, shtatlar platformalarning ayrim funksiyalarini o‘zgartirish va voyaga yetmaganlarni himoya qilish choralarini kuchaytirishni talab qilmoqda.
Iyun oyida federal sudya Yvonne Gonzalez Rogers ishni sudgacha tugatish haqidagi Meta talabini rad etib, da’volarni sudda ko‘rib chiqishga yo‘l ochgan. Sud, shuningdek, Meta bolalar ma’lumotlarini himoya qiluvchi COPPA qonuni doirasida ota-onalarni xabardor qilish va roziligini olish bo‘yicha ayrim talablarni bajarmaganini qayd etgan.
Shtatlar Meta foydalanuvchilarni platformalarda uzoqroq ushlab turishga qaratilgan funksiyalardan ongli ravishda foydalanganini va xizmatlarning bolalar uchun xavfsizligi haqida jamoatchilikni chalg‘itganini ta’kidlamoqda. Ish doirasida cheksiz tasma, algoritmik tavsiyalar, bildirishnomalar va “layk” kabi funksiyalar ham muhokama qilinmoqda.
Meta ayblovlarni rad etmoqda. Kompaniya shtatlar taqdim etgan da’volar platformalarni bolalar uchun ataylab xavfli qilishga intilish mavjudligini isbotlamasligini bildirgan.
Da’vogarlar g‘alaba qozongan taqdirda, ehtimoliy moliyaviy sanksiyalar hajmi $1,4 trln gacha yetishi mumkin. Bundan tashqari, shtatlar platformalarning ayrim funksiyalarini o‘zgartirish va voyaga yetmaganlarni himoya qilish choralarini kuchaytirishni talab qilmoqda.
Iyun oyida federal sudya Yvonne Gonzalez Rogers ishni sudgacha tugatish haqidagi Meta talabini rad etib, da’volarni sudda ko‘rib chiqishga yo‘l ochgan. Sud, shuningdek, Meta bolalar ma’lumotlarini himoya qiluvchi COPPA qonuni doirasida ota-onalarni xabardor qilish va roziligini olish bo‘yicha ayrim talablarni bajarmaganini qayd etgan.
Powered by Froala Editor