O‘rta yo‘lak Markaziy Osiyoning yangi o‘sish nuqtasiga aylanmoqda
Iqtisodiyot
O‘rta yo‘lak, energetika bozorlarini integratsiya qilish va xususiy kapital ishtirokini kengaytirish Markaziy Osiyo iqtisodiy o‘sishining yangi asosiy drayverlariga aylanishi mumkin. Mintaqaviy hamkorlik, investitsiyalar va ochiq savdoga bag‘ishlangan xalqaro munozara ishtirokchilari shunday xulosaga keldi.
O‘zbekiston Bosh vaziri o‘rinbosari, iqtisodiyot va moliya vaziri Jamshid Qo‘chqorov mintaqaning kelgusi taraqqiyoti o‘zaro bog‘liqlikni mustahkamlash, savdoni kengaytirish va investitsiyalarni jalb etish bilan bevosita bog‘liqligini ta’kidladi. O‘zbekiston transport infratuzilmasini modernizatsiya qilish, davlat-xususiy sheriklikni rivojlantirish va davlat korxonalarini isloh qilishni davom ettirmoqda.
Jahon bankining Yevropa va Markaziy Osiyo bo‘yicha vitse-prezidenti Antonella Bassani Transkaspiy xalqaro transport yo‘lagini mintaqaning jahon bozorlariga chiqishi uchun eng muhim loyihalardan biri deb atadi.
Yagona energetika bozorini yaratish ham ustuvor yo‘nalishga aylanmoqda. Bugungi kunda Markaziy Osiyoda ishlab chiqariladigan elektr energiyasining atigi 3 foizga yaqini transchegaraviy savdoda ishtirok etadi. Elektr energiyasi savdosini oshirish va qayta tiklanuvchi energiya manbalarini integratsiya qilish uchun qariyb 1 milliard dollarlik dastur amalga oshirilmoqda.
Xalqaro moliya institutlarining mintaqa infratuzilmasiga qiziqishi ham ortmoqda. Yevropa investitsiya banki 360 million yevrodan ortiq loyihalarni moliyalashtirishini e’lon qildi. Bu qariyb 1 milliard yevrolik investitsiyalarni jalb etishga xizmat qilishi mumkin.
IFC vakillari O‘rta yo‘lakka xususiy biznes qiziqishi ortayotganini qayd etmoqda. Biroq ma’muriy to‘siqlar, tartibga solishdagi farqlar va ayrim loyihalarning yetarlicha tayyor emasligi xususiy investitsiyalar hajmini cheklamoqda.
Ishtirokchilar Markaziy Osiyoning geografik joylashuvini raqobat ustunligiga aylantirish uchun mintaqaviy hamkorlikni chuqurlashtirish, savdo to‘siqlarini bartaraf etish hamda transport, energetika va raqamli infratuzilmani rivojlantirish zarurligini ta’kidladi.
Jahon bankining Yevropa va Markaziy Osiyo bo‘yicha vitse-prezidenti Antonella Bassani Transkaspiy xalqaro transport yo‘lagini mintaqaning jahon bozorlariga chiqishi uchun eng muhim loyihalardan biri deb atadi.
Yagona energetika bozorini yaratish ham ustuvor yo‘nalishga aylanmoqda. Bugungi kunda Markaziy Osiyoda ishlab chiqariladigan elektr energiyasining atigi 3 foizga yaqini transchegaraviy savdoda ishtirok etadi. Elektr energiyasi savdosini oshirish va qayta tiklanuvchi energiya manbalarini integratsiya qilish uchun qariyb 1 milliard dollarlik dastur amalga oshirilmoqda.
Xalqaro moliya institutlarining mintaqa infratuzilmasiga qiziqishi ham ortmoqda. Yevropa investitsiya banki 360 million yevrodan ortiq loyihalarni moliyalashtirishini e’lon qildi. Bu qariyb 1 milliard yevrolik investitsiyalarni jalb etishga xizmat qilishi mumkin.
IFC vakillari O‘rta yo‘lakka xususiy biznes qiziqishi ortayotganini qayd etmoqda. Biroq ma’muriy to‘siqlar, tartibga solishdagi farqlar va ayrim loyihalarning yetarlicha tayyor emasligi xususiy investitsiyalar hajmini cheklamoqda.
Ishtirokchilar Markaziy Osiyoning geografik joylashuvini raqobat ustunligiga aylantirish uchun mintaqaviy hamkorlikni chuqurlashtirish, savdo to‘siqlarini bartaraf etish hamda transport, energetika va raqamli infratuzilmani rivojlantirish zarurligini ta’kidladi.
Powered by Froala Editor