“O‘zbekiston — 2030” strategiyasi jamoatchilik muhokamasi uchun e’lon qilindi

O'zbekiston

“O‘zbekiston – 2030” strategiyasida 5 ta yo‘nalish bo‘yicha 100 ta maqsad nazarda tutilgan. Jamoatchilik muhokamasi 2023-yil 9-avgustga qadar davom etadi.

“O‘zbekiston — 2030” strategiyasi jamoatchilik muhokamasi uchun e’lon qilindi
Kelgusi 7 yilda Oʻzbekistonning asosiy rivojlanish yo‘nalishlarini belgilab beradigan “O‘zbekiston – 2030” strategiyasi va uni 2023-yilda amalga oshirish chora-tadbirlari loyihalari bugun regulation.gov.uz va 2030.strategy.uz portallarida keng jamoatchilikning muhokamasi uchun joylashtirildi.

“O‘zbekiston – 2030” strategiyasining maqsadlari va samaradorlik ko‘rsatkichlari oson qabul qilish va tushunish uchun qulay shaklda ifodalangan bo‘lib, unda 5 ta yo‘nalish bo‘yicha 100 ta maqsad nazarda tutilgan.

“O‘zbekiston – 2030” strategiyasini 2023-yilda amalga oshirish chora-tadbirlari loyihalarida muddatlar va ijrochilar kesimidagi amaliy vazifalar, erishiladigan aniq maqsadli ko‘rsatkichlar va strategiyani amalga oshirish doirasida ishlab chiqiladigan meʼyoriy-huquqiy hujjatlar ro‘yxati tasdiqlanmoqda.

Fuqarolar loyihalarning muhokamasida faol ishtirok etib, mamlakat taraqqiyotiga xizmat qiladigan takliflarni regulation.gov.uz va 2030.strategy.uz portallariga yuborishlari mumkin.

Jamoatchilik muhokamasi 2023-yil 9-avgustga qadar davom etadi.

Powered by Froala Editor

Do'stlar bilan ulashing