Prezident: Mustaqillik – xalqning eng ulug‘ qadriyati
O'zbekiston
29-avgust kuni Toshkentdagi “Shahidlar xotirasi” xiyobonida siyosiy repressiya qurbonlarini yod etish marosimi bo‘lib o‘tdi. Tadbirda Prezident Shavkat Mirziyoyev, davlat va jamoat tashkilotlari vakillari, ziyolilar va faxriylar ishtirok etdi.
Ramziy qabr yonida Qur’oni karim suralari tilovat qilindi, xotira osh tarqatildi. Prezident olimlar va jamoat arboblari bilan suhbatda tarixni chuqur o‘rganish va yoshlarni erkinlik hamda mustaqillikka hurmat ruhida tarbiyalash muhimligini ta’kidladi.
“Har yili Mustaqillik bayrami arafasida Vatan ozodligi uchun jon fido qilgan ajdodlarimiz xotirasiga duolar qilamiz. Ularning jasorati va qahramonligi biz uchun doimo ibrat maktabi bo‘lib qoladi”, – dedi davlat rahbari.
Shavkat Mirziyoyev repressiya yillarida 100 mingdan ortiq begunoh yurtdoshlar qurbon bo‘lgani, minglab insonlar o‘qqa tutilgani yoki surgun qilingani haqida eslatib o‘tdi. Bu fojealar, uning so‘zlariga ko‘ra, erkinlikni qadrlash va mustaqillikni mustahkamlashga da’vat etadi.
So‘nggi yillarda ajdodlar xotirasini abadiylashtirish yo‘lida katta ishlar qilindi: 1 200 dan ortiq nomlar oqlanib, “Repressiya qurbonlari xotirasi” muzeyi rekonstruksiya qilindi, viloyatlarda ham muzeylar tashkil etilmoqda. Bu yilda jadidchilik harakati yetakchisi Mahmudxo‘ja Behbudiyning 150 yilligi nishonlanmoqda, Buxoroda esa Jadidlar merosi davlat muzeyi barpo etilmoqda.
Prezident “jonli tarix”ni yoshlar ongiga yetkazish, siyosiy repressiya qurbonlari xotirasi haftaligini mazmunli o‘tkazish, maktab va OTMlarda maxsus darslar, teleko‘rsatuvlar va tanlovlar tashkil etish zarurligini qayd etdi.
“Tarbiyali va ma’naviy kuchli yoshlar – mustaqillik va milliy birlik tayanchi”, – dedi Shavkat Mirziyoyev.
Tadbir mamlakatimizda tinchlik, hamjihatlik va farovonlik doimo bardavom bo‘lishi uchun duolar bilan yakunlandi.
“Har yili Mustaqillik bayrami arafasida Vatan ozodligi uchun jon fido qilgan ajdodlarimiz xotirasiga duolar qilamiz. Ularning jasorati va qahramonligi biz uchun doimo ibrat maktabi bo‘lib qoladi”, – dedi davlat rahbari.
Shavkat Mirziyoyev repressiya yillarida 100 mingdan ortiq begunoh yurtdoshlar qurbon bo‘lgani, minglab insonlar o‘qqa tutilgani yoki surgun qilingani haqida eslatib o‘tdi. Bu fojealar, uning so‘zlariga ko‘ra, erkinlikni qadrlash va mustaqillikni mustahkamlashga da’vat etadi.
So‘nggi yillarda ajdodlar xotirasini abadiylashtirish yo‘lida katta ishlar qilindi: 1 200 dan ortiq nomlar oqlanib, “Repressiya qurbonlari xotirasi” muzeyi rekonstruksiya qilindi, viloyatlarda ham muzeylar tashkil etilmoqda. Bu yilda jadidchilik harakati yetakchisi Mahmudxo‘ja Behbudiyning 150 yilligi nishonlanmoqda, Buxoroda esa Jadidlar merosi davlat muzeyi barpo etilmoqda.
Prezident “jonli tarix”ni yoshlar ongiga yetkazish, siyosiy repressiya qurbonlari xotirasi haftaligini mazmunli o‘tkazish, maktab va OTMlarda maxsus darslar, teleko‘rsatuvlar va tanlovlar tashkil etish zarurligini qayd etdi.
“Tarbiyali va ma’naviy kuchli yoshlar – mustaqillik va milliy birlik tayanchi”, – dedi Shavkat Mirziyoyev.
Tadbir mamlakatimizda tinchlik, hamjihatlik va farovonlik doimo bardavom bo‘lishi uchun duolar bilan yakunlandi.
Powered by Froala Editor