Toshkentda “Yangi O‘zbekiston” ko‘chasida avtomobil tonneli ochildi

Poytaxtda yo‘l infratuzilmasini rivojlantirish tobora dolzarb bo‘lib bormoqda: aholi soni ortmoqda, shahar chegaralari kengaymoqda. So‘nggi yillarda “Yangi O‘zbekiston” ko‘chasida park, turar-joy majmualari, universitet va Olimpiya shaharchasi bunyod etildi. Kelajakda ushbu magistral Yangi Toshkent shahriga olib boruvchi asosiy yo‘llardan biri bo‘ladi.

Yangi tonnelning uzunligi 468 metr, kengligi 25 metr bo‘lib, soatiga 10 mingdan ortiq avtomobil o‘tkazish quvvatiga ega. Tonnel ustida yashil hudud barpo etilib, “Yangi O‘zbekiston” bog‘i va Olimpiya shaharchasi o‘rtasida piyodalar xavfsiz harakatlanishi ta’minlandi.

Bundan tashqari, bu yo‘nalishda kelajakdagi metro liniyasi uchun tonnel va bekat qurildi.

Ekologik jihatlar ham inobatga olingan: yangi tonnel avtomobillar yurish vaqtini ikki baravar qisqartiradi, kuniga qariyb 1 tonna yoqilg‘ini tejaydi va atmosferaga 2 tonna zararli chiqindilarni kamaytiradi.

Davlat rahbari qayd etdi, ushbu inshoot zamonaviy standartlarga to‘liq mos bo‘lib, aholiga qulaylik yaratadi hamda poytaxt turizmi rivojiga xizmat qiladi.