O‘zbekiston Prezidenti AQSH Kongressi delegatsiyasini qabul qildi
Siyosat
O‘zbekiston prezidenti Shavkat Mirziyoyev 17 mart kuni AQSH Kongressi Vakillar palatasining O‘zbekiston bilan hamkorlik bo‘yicha kokusida ishtirok etayotgan kongressvum Kerol Miller boshchiligidagi delegatsiya bilan uchrashdi.
Uchrashuvda mamlakatlar o‘rtasidagi strategik sheriklikni chuqurlashtirish, iqtisodiy aloqalarni mustahkamlash va parlamentlararo hamkorlikni kengaytirish istiqbollari muhokama qilindi. AQSH delegatsiyasi vakili davlatimiz rahbariga AQSH Prezidenti va Kongress rahbariyatining shaxsiy salomini yetkazdi.
Tomonlar ikki tomonlama hamkorlikning faol o‘sishini qayd etdilar: so‘nggi yillarda tovar ayirboshlash sezilarli darajada oshdi, qo‘shma biznes loyihalari va investitsiya tashabbuslari rivojlanmoqda. O‘zbekistonda Amerika ta’lim muassasalari - Vebster universiteti va Amerika texnologiya universiteti muvaffaqiyatli faoliyat yuritmoqda.
Energetika, sanoat, agrosanoat va qazib chiqarish kabi sohalarda sheriklikni kengaytirishga alohida e’tibor qaratildi. Shuningdek, O‘zbekiston hududlari va Amerika Qo‘shma Shtatlari o‘rtasida to‘g‘ridan-to‘g‘ri aloqalarni o‘rnatish istiqbollari muhokama qilindi.
Kerol Miller O‘zbekistonda iqtisodiyotni modernizatsiya qilish, demokratik yangilanishlar va gender tenglikni ta’minlashga qaratilgan islohotlarni yuksak baholadi.
Uchrashuv yakunida tomonlar mintaqaviy kun tartibining dolzarb masalalari, shu jumladan Afg‘onistondagi vaziyat yuzasidan fikr almashdilar.
Tomonlar ikki tomonlama hamkorlikning faol o‘sishini qayd etdilar: so‘nggi yillarda tovar ayirboshlash sezilarli darajada oshdi, qo‘shma biznes loyihalari va investitsiya tashabbuslari rivojlanmoqda. O‘zbekistonda Amerika ta’lim muassasalari - Vebster universiteti va Amerika texnologiya universiteti muvaffaqiyatli faoliyat yuritmoqda.
Energetika, sanoat, agrosanoat va qazib chiqarish kabi sohalarda sheriklikni kengaytirishga alohida e’tibor qaratildi. Shuningdek, O‘zbekiston hududlari va Amerika Qo‘shma Shtatlari o‘rtasida to‘g‘ridan-to‘g‘ri aloqalarni o‘rnatish istiqbollari muhokama qilindi.
Kerol Miller O‘zbekistonda iqtisodiyotni modernizatsiya qilish, demokratik yangilanishlar va gender tenglikni ta’minlashga qaratilgan islohotlarni yuksak baholadi.
Uchrashuv yakunida tomonlar mintaqaviy kun tartibining dolzarb masalalari, shu jumladan Afg‘onistondagi vaziyat yuzasidan fikr almashdilar.
Powered by Froala Editor