O'zbekiston tarixda ilk bor yozgi Olimpiya o'yinlarida jamoaviy sport turida ishtirok etadi
Sport
Oʻzbekiston olimpiya terma jamoasi U23 Osiyo kubogining yarim finalida Indoneziyani 2:0 hisobida magʻlubiyatga uchratdi. Bu haqda Oʻzbekiston Milliy olimpiya qoʻmitasining matbuot xizmati xabar berdi.
Ma’lum qilinishicha, 68-daqiqada Husayn Norchayev hisobni ochgan bo‘lsa, 86-daqiqada raqib futbolchisi Pratama Arxan o‘z darvozasini ishg‘ol etib qo‘ydi.
“Bugungi sana yurtimiz sporti tarixiga zarhal harflar bilan bitiladi. [...] Shu tariqa Timur Kapadze boshchiligidagi olimpiyachilarimiz uzoq kutilgan Olimpiada yoʻllanmalariga ega boʻlishmoqda”, — ta’kidlanadi xabarda.
O’z navbatida, O‘zbekiston Prezidenti Shavkat Mirziyoyev futbol bo‘yicha O‘zbekiston yoshlar terma jamoasini tabrikladi.
“Shu kunlarda Qatar davlatida futbol bo‘yicha yoshlar o‘rtasida bo‘lib o‘tayotgan Osiyo kubogida muvaffaqiyatli ishtirok etib, biryo‘la final yo‘llanmasi hamda shu yil yozda Parijda o‘tkaziladigan Olimpiya o‘yinlari yo‘llanmasini qo‘lga kiritganingiz bilan chin qalbimdan samimiy muborakbod etaman. Jonajon O‘zbekistonimizning futbol tarixida birinchi marta erishilgan bunday yorqin g‘alabani, hech shubhasiz, mamlakatimizdagi barcha sport muxlislari, ko‘pmillatli butun xalqimiz cheksiz quvonch va g‘urur bilan kutib oldi. Zero, bu el-yurtimizning necha yillik buyuk orzusi edi. Bu orzuni amalga oshirish aynan sizlarga – Yangi O‘zbekistonning navqiron farzandlariga nasib etgani bilan har qancha faxrlansangiz, arziydi. Albatta, sizlar erishgan bu tarixiy g‘alaba zamirida keyingi yillarda mamlakatimizda sport sohasini, jumladan, futbolni rivojlantirishga berilayotgan ulkan e’tibor va amalga oshirilayotgan keng ko‘lamli amaliy ishlar mujassam, desak, ayni haqiqatni aytgan bo‘lamiz”, — deyiladi tabrik matnida.
Shu tariqa, O‘zbekiston U-23 terma jamoasi yoshlar o‘rtasidagi Osiyo kubogi finaliga chiqdi va o‘z tarixida ilk bor 26-iyul – 11-avgust kunlari Parijda bo‘lib o‘tadigan Olimpiadaga yo‘llanmani qo’lga kiritdi.
“Bugungi sana yurtimiz sporti tarixiga zarhal harflar bilan bitiladi. [...] Shu tariqa Timur Kapadze boshchiligidagi olimpiyachilarimiz uzoq kutilgan Olimpiada yoʻllanmalariga ega boʻlishmoqda”, — ta’kidlanadi xabarda.
O’z navbatida, O‘zbekiston Prezidenti Shavkat Mirziyoyev futbol bo‘yicha O‘zbekiston yoshlar terma jamoasini tabrikladi.
“Shu kunlarda Qatar davlatida futbol bo‘yicha yoshlar o‘rtasida bo‘lib o‘tayotgan Osiyo kubogida muvaffaqiyatli ishtirok etib, biryo‘la final yo‘llanmasi hamda shu yil yozda Parijda o‘tkaziladigan Olimpiya o‘yinlari yo‘llanmasini qo‘lga kiritganingiz bilan chin qalbimdan samimiy muborakbod etaman. Jonajon O‘zbekistonimizning futbol tarixida birinchi marta erishilgan bunday yorqin g‘alabani, hech shubhasiz, mamlakatimizdagi barcha sport muxlislari, ko‘pmillatli butun xalqimiz cheksiz quvonch va g‘urur bilan kutib oldi. Zero, bu el-yurtimizning necha yillik buyuk orzusi edi. Bu orzuni amalga oshirish aynan sizlarga – Yangi O‘zbekistonning navqiron farzandlariga nasib etgani bilan har qancha faxrlansangiz, arziydi. Albatta, sizlar erishgan bu tarixiy g‘alaba zamirida keyingi yillarda mamlakatimizda sport sohasini, jumladan, futbolni rivojlantirishga berilayotgan ulkan e’tibor va amalga oshirilayotgan keng ko‘lamli amaliy ishlar mujassam, desak, ayni haqiqatni aytgan bo‘lamiz”, — deyiladi tabrik matnida.
Shu tariqa, O‘zbekiston U-23 terma jamoasi yoshlar o‘rtasidagi Osiyo kubogi finaliga chiqdi va o‘z tarixida ilk bor 26-iyul – 11-avgust kunlari Parijda bo‘lib o‘tadigan Olimpiadaga yo‘llanmani qo’lga kiritdi.
Powered by Froala Editor