O‘zbekiston va Serbiya hukumatlararo komissiyaning ilk yig‘ilishidan so‘ng iqtisodiy hamkorlikni kengaytiradi
Iqtisodiyot
7-sentabr kuni O‘zbekiston va Serbiya o‘rtasidagi iqtisodiy hamkorlik bo‘yicha hukumatlararo komissiyaning ilk yig‘ilishi bo‘lib o‘tdi. Unda O‘zbekiston investitsiyalar, sanoat va savdo vaziri Laziz Qudratov hamda Serbiyaning xalqaro iqtisodiy aloqalar vaziri Nenad Popovich hamraislik qildi. Tomonlar savdo, investitsiya va sanoat sohalaridagi hamkorlikni kengaytirish masalalarini muhokama qildi.
Yig‘ilishda O‘zbekiston Prezidentining ikki tomonlama munosabatlar tarixidagi Serbiyaga ilk tashrifi hamkorlikning yangi bosqichini ochishi ta’kidlandi. Komissiya faoliyatining boshlanishi ikki davlat rahbarlarining siyosiy irodasini aniq iqtisodiy qarorlar bilan mustahkamlashga qaratilgan.
Savdoni yanada liberallashtirish maqsadida Erkin savdo to‘g‘risidagi bitim bo‘yicha muzokaralarni boshlash uchun ishchi guruh tuzish haqidagi Qo‘shma deklaratsiya imzolashga tayyorlandi. Ushbu mexanizm tovar va xizmatlar o‘zaro yetkazib berishi uchun qulay sharoit yaratish hamda tovar ayirboshlash hajmini oshirishga xizmat qilishi ko‘zda tutilgan.
Tomonlar umumiy tarmoq ustuvorliklarini hisobga olib, yetkazib berish hajmini qo‘shma ishlab chiqarishlarni tashkil etish bilan birga rivojlantirishni rejalashtirdi. O‘zbekistonda ayni paytda Serbiya kapitali ishtirokidagi 10 ta korxona faoliyat yuritmoqda. Komponentlar va dori vositalarini mahalliylashtirish, to‘qimachilik, urug‘chilik, bog‘dorchilik va sutni qayta ishlash istiqbolli yo‘nalishlar sifatida qayd etildi. Texnologik kun tartibiga muhim minerallar, raqamli geologiya, sun’iy intellekt, 5G aloqa va eksportga yo‘naltirilgan IT-loyihalar kiritildi.
Yuk tashishni soddalashtirish uchun ruxsatnomalar va bojxona ma’lumotlarini elektron almashish taklif etildi. Serbiyaning temir yo‘l tarmog‘ini, jumladan 200 kilometrlik uchastkani qurish orqali modernizatsiya qilishda O‘zbekiston ishtiroki ham muhokama qilindi.
Yig‘ilish yakunida 2026–2028-yillarga mo‘ljallangan sanoat hamkorligini rivojlantirish bo‘yicha Harakatlar rejasi imzolandi. Komissiyaning ikkinchi yig‘ilishini 2027-yilda O‘zbekistonda o‘tkazish bo‘yicha kelishuvga erishildi.
Savdoni yanada liberallashtirish maqsadida Erkin savdo to‘g‘risidagi bitim bo‘yicha muzokaralarni boshlash uchun ishchi guruh tuzish haqidagi Qo‘shma deklaratsiya imzolashga tayyorlandi. Ushbu mexanizm tovar va xizmatlar o‘zaro yetkazib berishi uchun qulay sharoit yaratish hamda tovar ayirboshlash hajmini oshirishga xizmat qilishi ko‘zda tutilgan.
Tomonlar umumiy tarmoq ustuvorliklarini hisobga olib, yetkazib berish hajmini qo‘shma ishlab chiqarishlarni tashkil etish bilan birga rivojlantirishni rejalashtirdi. O‘zbekistonda ayni paytda Serbiya kapitali ishtirokidagi 10 ta korxona faoliyat yuritmoqda. Komponentlar va dori vositalarini mahalliylashtirish, to‘qimachilik, urug‘chilik, bog‘dorchilik va sutni qayta ishlash istiqbolli yo‘nalishlar sifatida qayd etildi. Texnologik kun tartibiga muhim minerallar, raqamli geologiya, sun’iy intellekt, 5G aloqa va eksportga yo‘naltirilgan IT-loyihalar kiritildi.
Yuk tashishni soddalashtirish uchun ruxsatnomalar va bojxona ma’lumotlarini elektron almashish taklif etildi. Serbiyaning temir yo‘l tarmog‘ini, jumladan 200 kilometrlik uchastkani qurish orqali modernizatsiya qilishda O‘zbekiston ishtiroki ham muhokama qilindi.
Yig‘ilish yakunida 2026–2028-yillarga mo‘ljallangan sanoat hamkorligini rivojlantirish bo‘yicha Harakatlar rejasi imzolandi. Komissiyaning ikkinchi yig‘ilishini 2027-yilda O‘zbekistonda o‘tkazish bo‘yicha kelishuvga erishildi.
Powered by Froala Editor