Prezident eksportdagi to‘siqlarni bartaraf etish va investitsiya loyihalarini jadallashtirishni topshirdi
O'zbekiston
Eksport salohiyati, investitsiya loyihalari, milliy brendlarni rivojlantirish va banklar faoliyati samaradorligi Prezident raisligida o‘tkazilgan videoselektor yig‘ilishining navbatdagi bosqichining asosiy mavzulariga aylandi. Davlat rahbari biznes rivojiga to‘sqinlik qilayotgan tizimli muammolarni bartaraf etish, investitsiya loyihalarini jadallashtirish hamda davlat institutlari faoliyati samaradorligini oshirishni talab qildi.
Prezident banklar balansida umumiy qiymati 9,3 trillion so‘m bo‘lgan 2 411 ta ko‘chmas mulk obyekti uzoq vaqtdan buyon sotilmayotganiga e’tibor qaratdi. Har bir obyekt bo‘yicha inventarizatsiya o‘tkazish, ularning balansda ushlab turilishining qonuniyligini tekshirish va sotuv jarayonlarining shaffofligini ta’minlash topshirildi.
Tashqi savdo sohasidagi vaziyat ham keskin tanqid qilindi. Qator hududlarda import hajmi eksportga nisbatan tezroq o‘sishda davom etmoqda. Eng katta salbiy tashqi savdo tafovuti Toshkent, Samarqand, Andijon, Jizzax va Buxoro viloyatlarida qayd etildi. Prezident hududlar rahbarlari import o‘rnini bosuvchi va eksportga yo‘naltirilgan ishlab chiqarishni yanada faol rivojlantirishi lozimligini ta’kidladi.
So‘nggi uch yil davomida mamlakatda umumiy qiymati 11 milliard AQSH dollari bo‘lgan 509 ta eksportga yo‘naltirilgan ishlab chiqarish quvvati ishga tushirilgan. Biroq 208 ta korxona hali ham eksportni boshlamagan. Bundan tashqari, 47 ta maxsus iqtisodiy zonaning 29 tasi yil boshidan buyon birorta ham eksport yetkazib berishni amalga oshirmagan. Mavjud muammolarni bartaraf etish maqsadida korxonalarga sertifikatlash, moliyalashtirish, logistika va eksport bozorlarini topishda ko‘maklashadigan maxsus tezkor guruhlar tashkil etiladi.
Yig‘ilishda foydalanilmayotgan uskunalar masalasiga ham alohida e’tibor qaratildi. Hozirda umumiy qiymati 300 million AQSH dollari bo‘lgan 219 ta uskuna foydalanilmayapti, yana 619 million AQSH dollari qiymatidagi 154 ta obyekt bo‘yicha montaj ishlari yakunlanmagan. Hukumatga bir oy muddatda barcha to‘siqlarni bartaraf etish topshirildi.
Prezident milliy brendlarni qo‘llab-quvvatlashni kuchaytirish zarurligini ham ta’kidladi. Davlat tomonidan moliyaviy ko‘mak ko‘rsatilayotganiga qaramay, ro‘yxatdan o‘tgan mahalliy brendlarning qariyb uchdan bir qismi hali xorijiy bozorlarga chiqmagan. Hukumatga ikki hafta ichida milliy ishlab chiqaruvchilarni qo‘llab-quvvatlash bo‘yicha yangi dastur ishlab chiqish hamda ichki bozorni demping asosidagi import va qalbaki mahsulotlardan himoya qilish choralarini kuchaytirish topshirildi.
Transport sohasiga ham muhim vazifalar yuklatildi. Yuk vagonlari yetishmasligi sababli ishlab chiqaruvchilar tashish uchun zarur bo‘lgan 2 800 ta vagonni ololmagan. Hukumatga hamkor davlatlarda bo‘sh turgan 10 mingtagacha yuk vagonini tashuvlarga jalb etish mexanizmini ishlab chiqish, temir yo‘l infratuzilmasini modernizatsiya qilishni jadallashtirish hamda Jahon bankidan 200 million AQSH dollari miqdorida moliyalashtirishni jalb etish topshirildi.
Yig‘ilishning alohida qismi xalqaro investitsiya kelishuvlarini amalga oshirish masalasiga bag‘ishlandi. 52 ta xorijiy tashrif yakunlari bo‘yicha umumiy qiymati 213 milliard AQSH dollari bo‘lgan 1 617 ta loyiha yuzasidan kelishuvlarga erishilgan, biroq ularning ijrosi ustidan nazorat yetarli darajada emasligi qayd etildi. Endilikda “yo‘l xaritalari” ijrosi ustidan nazorat Hisob palatasi va Tashqi ishlar vazirligiga yuklatildi, Bosh vazir esa loyihalar amalga oshirilishini har hafta ko‘rib boradi.
Prezident, shuningdek, investitsiyalarni jalb etish va tashqi savdoni rivojlantirish borasida ayrim diplomatik vakolatxonalar faoliyatini tanqid qildi. Prezident Administratsiyasi rahbari Saida Mirziyoyevaga diplomatik vakolatxonalar faoliyatini baholash, iqtisodiy diplomatiyani kuchaytirish hamda o‘z vazifalarini samarali bajara olmayotgan xodimlarni zamonaviy fikrlaydigan mutaxassislar bilan almashtirish bo‘yicha takliflar tayyorlaydigan maxsus komissiya tuzish topshirildi.
Tashqi savdo sohasidagi vaziyat ham keskin tanqid qilindi. Qator hududlarda import hajmi eksportga nisbatan tezroq o‘sishda davom etmoqda. Eng katta salbiy tashqi savdo tafovuti Toshkent, Samarqand, Andijon, Jizzax va Buxoro viloyatlarida qayd etildi. Prezident hududlar rahbarlari import o‘rnini bosuvchi va eksportga yo‘naltirilgan ishlab chiqarishni yanada faol rivojlantirishi lozimligini ta’kidladi.
So‘nggi uch yil davomida mamlakatda umumiy qiymati 11 milliard AQSH dollari bo‘lgan 509 ta eksportga yo‘naltirilgan ishlab chiqarish quvvati ishga tushirilgan. Biroq 208 ta korxona hali ham eksportni boshlamagan. Bundan tashqari, 47 ta maxsus iqtisodiy zonaning 29 tasi yil boshidan buyon birorta ham eksport yetkazib berishni amalga oshirmagan. Mavjud muammolarni bartaraf etish maqsadida korxonalarga sertifikatlash, moliyalashtirish, logistika va eksport bozorlarini topishda ko‘maklashadigan maxsus tezkor guruhlar tashkil etiladi.
Yig‘ilishda foydalanilmayotgan uskunalar masalasiga ham alohida e’tibor qaratildi. Hozirda umumiy qiymati 300 million AQSH dollari bo‘lgan 219 ta uskuna foydalanilmayapti, yana 619 million AQSH dollari qiymatidagi 154 ta obyekt bo‘yicha montaj ishlari yakunlanmagan. Hukumatga bir oy muddatda barcha to‘siqlarni bartaraf etish topshirildi.
Prezident milliy brendlarni qo‘llab-quvvatlashni kuchaytirish zarurligini ham ta’kidladi. Davlat tomonidan moliyaviy ko‘mak ko‘rsatilayotganiga qaramay, ro‘yxatdan o‘tgan mahalliy brendlarning qariyb uchdan bir qismi hali xorijiy bozorlarga chiqmagan. Hukumatga ikki hafta ichida milliy ishlab chiqaruvchilarni qo‘llab-quvvatlash bo‘yicha yangi dastur ishlab chiqish hamda ichki bozorni demping asosidagi import va qalbaki mahsulotlardan himoya qilish choralarini kuchaytirish topshirildi.
Transport sohasiga ham muhim vazifalar yuklatildi. Yuk vagonlari yetishmasligi sababli ishlab chiqaruvchilar tashish uchun zarur bo‘lgan 2 800 ta vagonni ololmagan. Hukumatga hamkor davlatlarda bo‘sh turgan 10 mingtagacha yuk vagonini tashuvlarga jalb etish mexanizmini ishlab chiqish, temir yo‘l infratuzilmasini modernizatsiya qilishni jadallashtirish hamda Jahon bankidan 200 million AQSH dollari miqdorida moliyalashtirishni jalb etish topshirildi.
Yig‘ilishning alohida qismi xalqaro investitsiya kelishuvlarini amalga oshirish masalasiga bag‘ishlandi. 52 ta xorijiy tashrif yakunlari bo‘yicha umumiy qiymati 213 milliard AQSH dollari bo‘lgan 1 617 ta loyiha yuzasidan kelishuvlarga erishilgan, biroq ularning ijrosi ustidan nazorat yetarli darajada emasligi qayd etildi. Endilikda “yo‘l xaritalari” ijrosi ustidan nazorat Hisob palatasi va Tashqi ishlar vazirligiga yuklatildi, Bosh vazir esa loyihalar amalga oshirilishini har hafta ko‘rib boradi.
Prezident, shuningdek, investitsiyalarni jalb etish va tashqi savdoni rivojlantirish borasida ayrim diplomatik vakolatxonalar faoliyatini tanqid qildi. Prezident Administratsiyasi rahbari Saida Mirziyoyevaga diplomatik vakolatxonalar faoliyatini baholash, iqtisodiy diplomatiyani kuchaytirish hamda o‘z vazifalarini samarali bajara olmayotgan xodimlarni zamonaviy fikrlaydigan mutaxassislar bilan almashtirish bo‘yicha takliflar tayyorlaydigan maxsus komissiya tuzish topshirildi.
Powered by Froala Editor