Rasman subsidiya olishga arizalar qabuli boshlandi

Iqtisodiyot

Ipoteka kreditlari boʻyicha subsidiyalar toʻlash boʻyicha tasdiqlangan maqsadli koʻrsatkichlar doirasida bugun, 3-mart soat 09:00 dan boshlab arizalar topshirish imkoniyati yaratildi. Bu haqida Iqtisodiyot va moliya vazirligi xabar berdi.

Rasman subsidiya olishga arizalar qabuli boshlandi
Arizalarni Davlat xizmatlari markazlari yoki Yagona portal (my.gov.uz ) orqali topshirish mumkin. Bunda ariza beruvchi xohishi bilan uning daromadlari hisob-kitobiga yaqin qarindoshlarining ham daromadlari kiritilishi mumkin.

Shuningdek, arizachi yoki uning turmush oʻrtogʻining (shu jumladan, kafil sifatida keltirgan yaqin qarindoshlari) oʻrtacha daromadi quyidagicha boʻlishi kerak:

Qoraqalpogʻiston Respublikasi va viloyatlarda — mehnatga haq toʻlashning eng kam miqdorining 2,7 baravaridan 8 baravarigacha (hozirda 3,11 mln — 9,24 mln soʻm);

Toshkent shahrida — mehnatga haq toʻlashning eng kam miqdorining 2,7−9,2 baravari (hozirda 3,11 mln soʻm — 10,62 mln soʻm).

Ma'lumot o'rnida, PF–26-sonli Farmoni bilan joriy yilda ipoteka kreditlari bo‘yicha subsidiyalar soni o‘tgan yilgiga nisbatan 1,5 baravarga oshirildi hamda dastur doirasida 30 000 nafar talabgorlarga ipoteka kreditlari bo‘yicha subsidiyalar ajratish belgilanmoqda.

Powered by Froala Editor

Do'stlar bilan ulashing