Rodri "Oltin to'p" sovrindori bo'ldi

Parijdagi "Shuttle" teatrida "Oltin to'p"-2024 taqdimoti bo'lib o'tdi. Mukofot egalari e'lon qilindi.Ispaniyaning "Barselona" klubi vingeri Lamin Yamal Kopa Kubogini qo'lga kiritdi va eng yaxshi yosh futbolchi deb tan olindi.

Ispaniyaning "Real Madrid" klubi eng yaxshi erkaklar futbol klubiga aylandi. G'olib e'lon qilinganida, zalda jamoaning biron bir vakili yo'q edi.

"Barselona"eng yaxshi ayollar futbol klubi deb tan olindi.

Angliyaning "Aston Villa"  argentinalik darvozaboni Emiliano Martines ikkinchi yil ham Lev Yashin nomidagi sovrinni qo'lga kiritdi.

Karlo Anchelotti ("Real Madrid") Yoxan Kroyf nomidagi sovrinni qo'lga kiritdi va o'tgan mavsumning eng yaxshi murabbiyi deb tan olindi.

Eng samarali futbolchiga beriladigan Gerd Myuller nomidagi mukofotiga Myunxen "Bavariya" sining ingliz hujumchisi Harri Keyn va "Real" ning fransuz forvardi Kilian Mbappe sazovor bo'lishdi.Yoxan Kroyf nomidagi sovrinni AQSh xotin-qizlar terma jamoasiga boshchilik qilayotgan Emma Xayz qo'lga kiritdi.

"Barselona" futbolchisi Aytana Bonmati ketma-ket ikkinchi yil ayollarning "Oltin to'pi"sovrindori bo'ldi.

Powered by Froala Editor