Samarqandda 300 dan ortiq ekspert bolalar saratonini davolashning yangi usullarini muhokama qildi
O'zbekiston
Bolalar farovonligiga bag‘ishlangan Jahon sammiti doirasida o‘tkazilgan Bolalar saratoni bo‘yicha II xalqaro kongressda o‘nlab mamlakatlardan 300 dan ortiq ishtirokchi qatnashdi. Ekspertlar zamonaviy tashxis va davolash usullari, hujayra texnologiyalari, reabilitatsiya hamda yosh bemorlar va ularning oilalarini uzoq muddatli qo‘llab-quvvatlash masalalarini muhokama qildi.
Kongressda Jahon sog‘liqni saqlash tashkiloti, St. Jude Global, Dana-Farber Cancer Institute va Vena tibbiyot universiteti vakillari, shuningdek, O‘zbekiston, Ozarbayjon, Avstriya, Germaniya, Hindiston, Italiya, Qozog‘iston, Xitoy, Qirg‘iziston, Rossiya, AQSh, Turkiya, Yaponiya va boshqa mamlakatlardan mutaxassislar ishtirok etdi.
Ilmiy dastur bolalar saratoniga qarshi kurashishning milliy tizimlari, ilg‘or tashxis va davolash usullari, o‘zak hujayralar transplantatsiyasi, hujayra va gen terapiyasini qamrab oldi. Davolash usulini tanlashda kasallikning o‘ziga xos xususiyatlarini hisobga oluvchi individual yondashuvlarga ham alohida e’tibor qaratildi.
Alohida sessiyalarda hamroh va palliativ yordam, asoratlarning oldini olish, reabilitatsiya hamda oilalarni qo‘llab-quvvatlash masalalari ko‘rib chiqildi. Ishtirokchilar idoralararo hamkorlikni rivojlantirish va Bolalar saratoni bo‘yicha xalqaro akademik xab doirasida ilmiy hamda akademik aloqalarni mustahkamlash masalalarini ham muhokama qildi.
Kongressning yana bir muhim yo‘nalishi shifoxona pedagogikasi bo‘ldi. Zamin fondi O‘zbekistondagi kompleks model va davolanayotgan bolalarga ta’lim olishda ko‘mak beruvchi Mehrli Maktab shifoxona maktablari tarmog‘ini taqdim etdi.
Kongress “Bolalar farovonligiga investitsiyalar: kelajak avlodlar uchun barqaror va adolatli rivojlanish sari yo‘l” mavzusidagi Jahon sammiti doirasida o‘tkazildi. Sammit yakunida qabul qilingan Samarqand deklaratsiyasi homiladorlik davri va erta rivojlanishdan tortib, mehnat faoliyatini boshlashgacha bo‘lgan barcha bosqichlarda bolalarni tizimli qo‘llab-quvvatlashga yo‘naltirilgan.
Hujjat bir martalik tashabbuslar o‘rniga sog‘liqni saqlash, ta’lim va ijtimoiy yordamni birlashtiruvchi uzluksiz qo‘llab-quvvatlash modeliga o‘tishni nazarda tutadi.
Ilmiy dastur bolalar saratoniga qarshi kurashishning milliy tizimlari, ilg‘or tashxis va davolash usullari, o‘zak hujayralar transplantatsiyasi, hujayra va gen terapiyasini qamrab oldi. Davolash usulini tanlashda kasallikning o‘ziga xos xususiyatlarini hisobga oluvchi individual yondashuvlarga ham alohida e’tibor qaratildi.
Alohida sessiyalarda hamroh va palliativ yordam, asoratlarning oldini olish, reabilitatsiya hamda oilalarni qo‘llab-quvvatlash masalalari ko‘rib chiqildi. Ishtirokchilar idoralararo hamkorlikni rivojlantirish va Bolalar saratoni bo‘yicha xalqaro akademik xab doirasida ilmiy hamda akademik aloqalarni mustahkamlash masalalarini ham muhokama qildi.
Kongressning yana bir muhim yo‘nalishi shifoxona pedagogikasi bo‘ldi. Zamin fondi O‘zbekistondagi kompleks model va davolanayotgan bolalarga ta’lim olishda ko‘mak beruvchi Mehrli Maktab shifoxona maktablari tarmog‘ini taqdim etdi.
Kongress “Bolalar farovonligiga investitsiyalar: kelajak avlodlar uchun barqaror va adolatli rivojlanish sari yo‘l” mavzusidagi Jahon sammiti doirasida o‘tkazildi. Sammit yakunida qabul qilingan Samarqand deklaratsiyasi homiladorlik davri va erta rivojlanishdan tortib, mehnat faoliyatini boshlashgacha bo‘lgan barcha bosqichlarda bolalarni tizimli qo‘llab-quvvatlashga yo‘naltirilgan.
Hujjat bir martalik tashabbuslar o‘rniga sog‘liqni saqlash, ta’lim va ijtimoiy yordamni birlashtiruvchi uzluksiz qo‘llab-quvvatlash modeliga o‘tishni nazarda tutadi.
Powered by Froala Editor