«Shanxay beshligi»dan 10 davlatgacha: ShHT 25 yilligini nishonlamoqda
Iqtisodiyot
Shanxay hamkorlik tashkiloti 25 yilligini nishonlamoqda. Chorak asr davomida u chegaralar bo‘yicha o‘zaro ishonch mexanizmidan 10 davlatni birlashtirgan, iqtisodiyot, transport va gumanitar hamkorlikni qamrab oluvchi keng mintaqaviy tashkilotga aylandi. Bishkekdagi yubiley sammitida O‘zbekiston keyingi hamkorlikni kengaytirishga qaratilgan «ShHT – 2040: umumiy taraqqiyot makoni» konsepsiyasini ishlab chiqishni taklif qildi.
ShHT Davlat rahbarlari kengashining yubiley yig‘ilishi 2026-yil 1-sentabr kuni Qirg‘iziston Prezidenti Sadir Japarov raisligida bo‘lib o‘tdi. Yig‘ilish yakunida 28 ta hujjat, jumladan, Bishkek deklaratsiyasi hamda ShHT Ustaviga o‘zgartirish va qo‘shimchalar kiritish to‘g‘risidagi protokol tasdiqlandi.
Tashkilot 2001-yil 15-iyun kuni Shanxay shahrida Xitoy, Rossiya, Qozog‘iston, Qirg‘iziston, Tojikiston va O‘zbekiston tomonidan tashkil etilgan. 2017-yilda Hindiston va Pokiston, 2023-yilda Eron, 2024-yilda esa Belarus tashkilotga a’zo bo‘ldi. Bugungi kunda ShHT 10 ta a’zo davlatni birlashtiradi, ikki davlat kuzatuvchi, 15 davlat esa muloqot bo‘yicha hamkor maqomiga ega.
25 yil davomida tashkilot kun tartibi xavfsizlik va chegaralararo hamkorlikdan ancha kengaydi. Hozirgi hamkorlik savdo va investitsiyalar, transport, energetika, sanoat, qishloq xo‘jaligi, raqamli texnologiyalar, ta’lim, madaniyat va turizm kabi yo‘nalishlarni qamrab oladi.
O‘zbekiston Prezidenti Shavkat Mirziyoyev «ShHT – 2040» konsepsiyasini ishlab chiqishni taklif etib, investitsiyalar, texnologiyalar va bilimlar almashinuvi, yirik infratuzilmaviy va sanoat loyihalarini amalga oshirish uchun o‘zaro bog‘langan makon yaratish zarurligini ta’kidladi. Shuningdek, ShHT Sanoat kooperatsiyasi xaritasini ishlab chiqish va transport, energetika, sanoat hamda raqamli infratuzilma sohalarida loyihalar portfelini shakllantirish tashabbuslari ilgari surildi.
Markaziy Osiyo uchun oziq-ovqat, suv va energetika xavfsizligi masalalari alohida ahamiyat kasb etadi. Sammit doirasida davlat rahbarlari qator ikki tomonlama muzokaralar ham o‘tkazdi.
Sammit yakunida ShHTga 2026–2027-yillar uchun raislik Pokistonga o‘tdi. Tashkilotning navbatdagi sammiti 2027-yilda Islomobodda bo‘lib o‘tadi.
Tashkilot 2001-yil 15-iyun kuni Shanxay shahrida Xitoy, Rossiya, Qozog‘iston, Qirg‘iziston, Tojikiston va O‘zbekiston tomonidan tashkil etilgan. 2017-yilda Hindiston va Pokiston, 2023-yilda Eron, 2024-yilda esa Belarus tashkilotga a’zo bo‘ldi. Bugungi kunda ShHT 10 ta a’zo davlatni birlashtiradi, ikki davlat kuzatuvchi, 15 davlat esa muloqot bo‘yicha hamkor maqomiga ega.
25 yil davomida tashkilot kun tartibi xavfsizlik va chegaralararo hamkorlikdan ancha kengaydi. Hozirgi hamkorlik savdo va investitsiyalar, transport, energetika, sanoat, qishloq xo‘jaligi, raqamli texnologiyalar, ta’lim, madaniyat va turizm kabi yo‘nalishlarni qamrab oladi.
O‘zbekiston Prezidenti Shavkat Mirziyoyev «ShHT – 2040» konsepsiyasini ishlab chiqishni taklif etib, investitsiyalar, texnologiyalar va bilimlar almashinuvi, yirik infratuzilmaviy va sanoat loyihalarini amalga oshirish uchun o‘zaro bog‘langan makon yaratish zarurligini ta’kidladi. Shuningdek, ShHT Sanoat kooperatsiyasi xaritasini ishlab chiqish va transport, energetika, sanoat hamda raqamli infratuzilma sohalarida loyihalar portfelini shakllantirish tashabbuslari ilgari surildi.
Markaziy Osiyo uchun oziq-ovqat, suv va energetika xavfsizligi masalalari alohida ahamiyat kasb etadi. Sammit doirasida davlat rahbarlari qator ikki tomonlama muzokaralar ham o‘tkazdi.
Sammit yakunida ShHTga 2026–2027-yillar uchun raislik Pokistonga o‘tdi. Tashkilotning navbatdagi sammiti 2027-yilda Islomobodda bo‘lib o‘tadi.
Powered by Froala Editor