“Parij-2024”: Bugun O‘zbekistonlik Sportchilar 4 Ta Sport Turida Maydonga Tushadi
Sport
O‘zbekiston delegatsiyasi “Parij-2024” yozgi Olimpiya o‘yinlaridagi to‘rtinchi kunini 4 ta sport turi bo‘yicha davom ettiradi.
Xususan, akademik eshkak eshish (yakkalik), dzyudo, boks va futbol bo‘yicha sportchilarimiz mamlakatimiz sharafini himoya qiladi. Kunning birinchi musobaqasi akademik eshkak eshish bo‘yicha Anna Prakaten tomonidan o‘tkaziladi, u yakkalik bahslariga soat 12:30 da (Toshkent vaqti bilan) kirishadi. Dzyudo bo‘yicha esa -81 kg vazn toifasida Sharofiddin Boltaboyev soat 13:00 da tatamiga chiqadi.
Kun davomida asosiy e'tibor bokschilarimizning ishtirokidagi bahslarga qaratiladi. Soat 16:08 da Sitora Turdibekova ayollar o‘rtasidagi -57 kg vazn toifasida ringga chiqadi, 19:50 da esa Nigina O‘ktamova (-54 kg) Olimpiadadagi ikkinchi bahsini KXDR vakilasi Cholmi Pangga qarshi o‘tkazadi.
Erkaklar o‘rtasidagi bahslarni Hasanboy Do‘smatov (-51 kg) ochib beradi. Olimpiya chempioni Hasanboy soat 23:15 da Puerto-Riko vakili Xuanma Lopez de Xesusga qarshi ringga chiqadi. 00:05 da esa yana bir umidli bokschimiz To‘rabek Habibullayev -80 kg vaznda tanikli filippinlik charm-qo‘lqop ustasi Eumir Marsiyalga qarshi ringga chiqadi.
Tarixdagi ilk Olimpiadasida muvaffaqiyatsizlikka uchrayotgan futbolchilarimiz esa guruhdagi eng so‘nggi uchrashuvini Dominikan Respublikasiga qarshi o‘tkazadi. O‘yin soat 18:00 ga rejalashtirilgan.
Eslatib o‘tamiz, ayrim sportchilarimiz muddatidan oldinroq ham bahslarini boshlashi mumkin, bu boshqa sportchilarning ishtiroki tez yakunlanishi bilan bog‘liq bo‘lishi mumkin.
Kun davomida asosiy e'tibor bokschilarimizning ishtirokidagi bahslarga qaratiladi. Soat 16:08 da Sitora Turdibekova ayollar o‘rtasidagi -57 kg vazn toifasida ringga chiqadi, 19:50 da esa Nigina O‘ktamova (-54 kg) Olimpiadadagi ikkinchi bahsini KXDR vakilasi Cholmi Pangga qarshi o‘tkazadi.
Erkaklar o‘rtasidagi bahslarni Hasanboy Do‘smatov (-51 kg) ochib beradi. Olimpiya chempioni Hasanboy soat 23:15 da Puerto-Riko vakili Xuanma Lopez de Xesusga qarshi ringga chiqadi. 00:05 da esa yana bir umidli bokschimiz To‘rabek Habibullayev -80 kg vaznda tanikli filippinlik charm-qo‘lqop ustasi Eumir Marsiyalga qarshi ringga chiqadi.
Tarixdagi ilk Olimpiadasida muvaffaqiyatsizlikka uchrayotgan futbolchilarimiz esa guruhdagi eng so‘nggi uchrashuvini Dominikan Respublikasiga qarshi o‘tkazadi. O‘yin soat 18:00 ga rejalashtirilgan.
Eslatib o‘tamiz, ayrim sportchilarimiz muddatidan oldinroq ham bahslarini boshlashi mumkin, bu boshqa sportchilarning ishtiroki tez yakunlanishi bilan bog‘liq bo‘lishi mumkin.
Powered by Froala Editor