Tanzila Narbayeva va Natalya Kochanova O‘zbekiston va Belarus hamkorligini kengaytirishni muhokama qildi
O'zbekiston
O‘zbekiston Oliy Majlisi Senati Raisi Tanzila Narbayeva Belarus Milliy Majlisi Respublika Kengashi Raisi Natalya Kochanova bilan uchrashdi. Muzokaralar 2026-yil 29–30-sentyabr kunlari o‘tkazilayotgan IV O‘zbekiston–Belarus parlamentlararo forumi doirasida bo‘lib o‘tdi.
Tomonlar parlamentlararo muloqotni yanada rivojlantirish va ikki mamlakat qonun chiqaruvchi organlari o‘rtasidagi hamkorlikni kengaytirish masalalarini muhokama qildi. Parlament qo‘mitalari o‘rtasidagi aloqalarni faollashtirish, tajriba almashish hamda parlamentlararo hamkorlik guruhlari faoliyatini kuchaytirishga alohida e’tibor qaratildi.
Uchrashuvning muhim yo‘nalishlaridan biri savdo-iqtisodiy hamkorlik bo‘ldi. Tomonlar qishloq xo‘jaligi, mashinasozlik, farmatsevtika, elektrotexnika va to‘qimachilik sanoatida hamkorlikni kengaytirish hamda qo‘shma loyihalarni amalga oshirish imkoniyatlarini ko‘rib chiqdi. Mazkur yo‘nalishlar ikki mamlakat o‘rtasidagi sanoat kooperatsiyasining asosiy sohalari qatoriga kiradi.
Tomonlar, shuningdek, tartibli mehnat migratsiyasi va fuqarolarni ishga joylashtirish masalalari yuzasidan fikr almashdi. Qonuniy mehnat sharoitlarini ta’minlash, fuqarolarning mehnat, tibbiy va ijtimoiy huquqlarini himoya qilish hamda kafolatlash zarurligi muhokama qilindi.
Biznes vakillari o‘rtasidagi to‘g‘ridan-to‘g‘ri aloqalarni rivojlantirish va tadbirkorlik tashabbuslarini qo‘llab-quvvatlashda parlament diplomatiyasining o‘rniga ham e’tibor qaratildi. Tomonlar o‘zaro savdoni yanada oshirish va O‘zbekiston–Belarus biznes forumlarida erishilgan kelishuvlarni amaliy jihatdan amalga oshirish uchun qulay sharoitlar yaratish muhimligini qayd etdi.
Uchrashuv yakunida parlamentlararo hamkorlikni rivojlantirish, hududlar o‘rtasidagi aloqalarni mustahkamlash va tadbirkorlarni qo‘llab-quvvatlash bo‘yicha ishlarni davom ettirishga kelishib olindi. Shuningdek, xalqaro parlament tashkilotlari va platformalari doirasidagi hamkorlikni kengaytirish rejalashtirildi.
Belarus delegatsiyasining tashrifi IV O‘zbekiston–Belarus parlamentlararo forumi doirasida bo‘lib o‘tmoqda. Forum dasturidan parlamentlararo komissiya yig‘ilishi, mahalliy vakillik organlari rahbarlari uchrashuvi, parlamentlar huzuridagi yoshlar kengashlarining qo‘shma majlisi va yakuniy yalpi majlis o‘rin olgan.
Uchrashuvning muhim yo‘nalishlaridan biri savdo-iqtisodiy hamkorlik bo‘ldi. Tomonlar qishloq xo‘jaligi, mashinasozlik, farmatsevtika, elektrotexnika va to‘qimachilik sanoatida hamkorlikni kengaytirish hamda qo‘shma loyihalarni amalga oshirish imkoniyatlarini ko‘rib chiqdi. Mazkur yo‘nalishlar ikki mamlakat o‘rtasidagi sanoat kooperatsiyasining asosiy sohalari qatoriga kiradi.
Tomonlar, shuningdek, tartibli mehnat migratsiyasi va fuqarolarni ishga joylashtirish masalalari yuzasidan fikr almashdi. Qonuniy mehnat sharoitlarini ta’minlash, fuqarolarning mehnat, tibbiy va ijtimoiy huquqlarini himoya qilish hamda kafolatlash zarurligi muhokama qilindi.
Biznes vakillari o‘rtasidagi to‘g‘ridan-to‘g‘ri aloqalarni rivojlantirish va tadbirkorlik tashabbuslarini qo‘llab-quvvatlashda parlament diplomatiyasining o‘rniga ham e’tibor qaratildi. Tomonlar o‘zaro savdoni yanada oshirish va O‘zbekiston–Belarus biznes forumlarida erishilgan kelishuvlarni amaliy jihatdan amalga oshirish uchun qulay sharoitlar yaratish muhimligini qayd etdi.
Uchrashuv yakunida parlamentlararo hamkorlikni rivojlantirish, hududlar o‘rtasidagi aloqalarni mustahkamlash va tadbirkorlarni qo‘llab-quvvatlash bo‘yicha ishlarni davom ettirishga kelishib olindi. Shuningdek, xalqaro parlament tashkilotlari va platformalari doirasidagi hamkorlikni kengaytirish rejalashtirildi.
Belarus delegatsiyasining tashrifi IV O‘zbekiston–Belarus parlamentlararo forumi doirasida bo‘lib o‘tmoqda. Forum dasturidan parlamentlararo komissiya yig‘ilishi, mahalliy vakillik organlari rahbarlari uchrashuvi, parlamentlar huzuridagi yoshlar kengashlarining qo‘shma majlisi va yakuniy yalpi majlis o‘rin olgan.
Powered by Froala Editor