Temuriy shahzoda ko‘chirgan Qurʼon nusxasi O‘zbekistonga qaytmoqda
O'zbekiston
Temuriylar davrida ilm-fan va sanʼat rivojiga ulkan hissa qo‘shgan Ibrohim Sulton tomonidan ko‘chirilgan noyob Qurʼon qo‘lyozmasi bo‘yicha ilmiy tadqiqotlar olib borilmoqda. Ushbu tarixiy merosning O‘zbekistonga qaytarilishi bo‘yicha chora-tadbirlar ko‘rilayotgani haqida Islom sivilizatsiyasi markazi Axborot xizmati ma’lum qildi.
Manbalarga ko‘ra, 1423 yilda suls xatida bitilgan qo‘lyozmaning bir nusxasi hozirda Eronning Ostoni Qudsi Rizaviy kutubxonasida saqlanmoqda. Yana bir nusxasi esa 1937 yilgacha Sheroz shahridagi mashhur “Qurʼon darvozasi”da bo‘lib, keyinchalik Pors muzeyiga o‘tkazilgan. Bu ikki jildli qo‘lyozma o‘zining nafis xattotligi, zarg‘aldoq va oltin bezaklari bilan ajralib turadi. Bundan tashqari, Ibrohim Sulton tomonidan ko‘chirilgan yana bir nusxaning Nyu-Yorkdagi Metropoliten muzeyida saqlanayotgani haqida ma’lumotlar mavjud.
Qurʼon qo‘lyozmalari xattotlik sanʼatining eng yuksak namunalari hisoblanib, ularning har biri noyob tarixiy va madaniy ahamiyatga ega. Bugungi kunda mazkur qo‘lyozmaning faksimile nusxasini tayyorlash ishlari olib borilmoqda. Kelgusida bu asar O‘zbekistondagi Islom sivilizatsiyasi markazi ekspozitsiyasida namoyish etilishi rejalashtirilgan.
Shu bilan birga, qo‘lyozma bo‘yicha ilmiy tadqiqotlarni filologiya fanlari doktori Aftondil Erkinov olib bormoqda. Olimlar ushbu noyob merosning tarixiy ahamiyatini o‘rganish bilan birga, uni O‘zbekiston ilmiy muhitiga qaytarish bo‘yicha izlanishlarini davom ettirmoqda.
Qurʼon qo‘lyozmalari xattotlik sanʼatining eng yuksak namunalari hisoblanib, ularning har biri noyob tarixiy va madaniy ahamiyatga ega. Bugungi kunda mazkur qo‘lyozmaning faksimile nusxasini tayyorlash ishlari olib borilmoqda. Kelgusida bu asar O‘zbekistondagi Islom sivilizatsiyasi markazi ekspozitsiyasida namoyish etilishi rejalashtirilgan.
Shu bilan birga, qo‘lyozma bo‘yicha ilmiy tadqiqotlarni filologiya fanlari doktori Aftondil Erkinov olib bormoqda. Olimlar ushbu noyob merosning tarixiy ahamiyatini o‘rganish bilan birga, uni O‘zbekiston ilmiy muhitiga qaytarish bo‘yicha izlanishlarini davom ettirmoqda.
Powered by Froala Editor