Toqayev Qozog‘iston prezidentligiga yana nomzod bo‘lish huquqini oldi
Siyosat
Qozog‘iston Prezidenti Qosim-Jomart Toqayev yangi Konstitutsiya kuchga kirganidan so‘ng davlat rahbari lavozimiga yana nomzod bo‘lish huquqiga ega bo‘ldi. Konstitutsiyaviy sud yangi qoidalar asosidagi ehtimoliy saylanish uning birinchi prezidentlik muddati sifatida hisoblanishini belgiladi.
.jpg&w=3840&q=75)
Sharh Toqayevning murojaati asosida berildi. Prezident 1995-yilgi Konstitutsiya asosida oliy davlat lavozimlarini egallab turgan shaxslar 2026-yilgi Konstitutsiya kuchga kirgach, yana saylanishi yoki tayinlanishi mumkinligiga aniqlik kiritishni so‘ragan.
Sud yangi konstitutsiyaviy normalarni qo‘llashda avvalgi vakolat muddatlari hisobga olinmasligini bildirdi. Bu prezident, Konstitutsiyaviy va Oliy sudlar raislari hamda bosh prokurorga taalluqli.
Qozog‘istonning yangi Konstitutsiyasi 1-iyuldan kuchga kirdi. Unda davlat rahbari uchun qayta saylanish huquqisiz yagona yetti yillik muddat saqlab qolingan. Biroq yangi Asosiy qonun kuchga kirganidan keyingi saylanish birinchi muddat deb hisoblanadi.
Toqayev 2019-yil martidan buyon Qozog‘istonga rahbarlik qilmoqda. 2022-yil noyabrida u 81,31 foiz ovoz bilan qayta saylangan. Amaldagi vakolat muddati 2029-yilda yakunlanadi.
Avvalroq Toqayev navbatdagi prezidentlik saylovi 2029-yilda o‘tishini va joriy yetti yillik muddat tugagach lavozimni tark etish niyatini bildirgan edi. Sud qarori faqat uning yana saylovda qatnashish huquqini tasdiqlaydi — Toqayev hozircha nomzodini ilgari surishini e’lon qilmagan.
Sud yangi konstitutsiyaviy normalarni qo‘llashda avvalgi vakolat muddatlari hisobga olinmasligini bildirdi. Bu prezident, Konstitutsiyaviy va Oliy sudlar raislari hamda bosh prokurorga taalluqli.
Qozog‘istonning yangi Konstitutsiyasi 1-iyuldan kuchga kirdi. Unda davlat rahbari uchun qayta saylanish huquqisiz yagona yetti yillik muddat saqlab qolingan. Biroq yangi Asosiy qonun kuchga kirganidan keyingi saylanish birinchi muddat deb hisoblanadi.
Toqayev 2019-yil martidan buyon Qozog‘istonga rahbarlik qilmoqda. 2022-yil noyabrida u 81,31 foiz ovoz bilan qayta saylangan. Amaldagi vakolat muddati 2029-yilda yakunlanadi.
Avvalroq Toqayev navbatdagi prezidentlik saylovi 2029-yilda o‘tishini va joriy yetti yillik muddat tugagach lavozimni tark etish niyatini bildirgan edi. Sud qarori faqat uning yana saylovda qatnashish huquqini tasdiqlaydi — Toqayev hozircha nomzodini ilgari surishini e’lon qilmagan.
Powered by Froala Editor