Tramp Vashingtondagi zafar arkasini harbiy majmuaga aylantirmoqchi
Dunyo
AQSh Prezidenti Donald Tramp Vashingtonda rejalashtirilayotgan 76 metrlik zafar arkasi bir vaqtning o‘zida harbiy majmua vazifasini ham bajarishini ma’lum qildi. Uning so‘zlariga ko‘ra, inshootda ko‘plab dronlar, merganlar uchun uskunalar va o‘q-dorilarni joylashtirish hamda saqlash rejalashtirilmoqda.
Arkani Linkoln memoriali va Arlington milliy qabristoni o‘rtasida, Potomak daryosi ustidagi Memorial ko‘prigi yaqinida qurish rejalashtirilgan. Tramp Truth Social platformasida loyihani AQSh harbiylarining «qat’iy iltimosi» va milliy xavfsizlik maqsadlarida o‘zgartirishga rozi bo‘lganini yozdi.
Prezidentning ta’kidlashicha, inshoot katta miqdordagi uchuvchisiz qurilmalarni tezkor qo‘llash imkonini berishi, shuningdek, tom va maydonda merganlarni joylashtirish uchun xizmat qilishi kerak. Arkada merganlar uchun katta miqdorda o‘q-dorilar saqlanishi ham ko‘zda tutilmoqda.
«Dunyoda bunday inshoot bo‘lmaydi», — deb yozdi Tramp. U, shuningdek, Vashington dunyodagi 59 ta eng yirik shahar va poytaxt orasida zafar arkasi mavjud bo‘lmagan yagona shahar ekanini aytdi, biroq bu ro‘yxatni aniqlashtirmadi.
Dastlab loyiha yangi sayyohlik maskani sifatida taqdim etilgan edi. E’lon qilingan maketda arkaning tepasida qanotli oltin haykal, ikki tomonida oltin burgutlar, shuningdek, «Xudo panohidagi yagona millat» va «Barchaga ozodlik va adolat» yozuvlari aks etgan.
Loyiha huquqiy bahslarga ham sabab bo‘lmoqda. Faxriylar guruhi va arxitektura tarixchisi qurilish uchun Kongress roziligi kerakligini ta’kidlab, loyihani sudda bahs ostiga olgan. Federal sudya esa hududdagi ishlar boshlanishidan kamida 48 soat oldin ma’muriyat xabar berishini belgilagan.
AQSh Federal aviatsiya ma’muriyati arkani belgilangan xavfsizlik talablari bajarilgan taqdirda aviatsiya uchun xavf tug‘dirmaydi, deb topgan. Pentagon esa Tramp bayonotidan tashqari qo‘shimcha ma’lumotga ega emasligini bildirgan.
Prezidentning ta’kidlashicha, inshoot katta miqdordagi uchuvchisiz qurilmalarni tezkor qo‘llash imkonini berishi, shuningdek, tom va maydonda merganlarni joylashtirish uchun xizmat qilishi kerak. Arkada merganlar uchun katta miqdorda o‘q-dorilar saqlanishi ham ko‘zda tutilmoqda.
«Dunyoda bunday inshoot bo‘lmaydi», — deb yozdi Tramp. U, shuningdek, Vashington dunyodagi 59 ta eng yirik shahar va poytaxt orasida zafar arkasi mavjud bo‘lmagan yagona shahar ekanini aytdi, biroq bu ro‘yxatni aniqlashtirmadi.
Dastlab loyiha yangi sayyohlik maskani sifatida taqdim etilgan edi. E’lon qilingan maketda arkaning tepasida qanotli oltin haykal, ikki tomonida oltin burgutlar, shuningdek, «Xudo panohidagi yagona millat» va «Barchaga ozodlik va adolat» yozuvlari aks etgan.
Loyiha huquqiy bahslarga ham sabab bo‘lmoqda. Faxriylar guruhi va arxitektura tarixchisi qurilish uchun Kongress roziligi kerakligini ta’kidlab, loyihani sudda bahs ostiga olgan. Federal sudya esa hududdagi ishlar boshlanishidan kamida 48 soat oldin ma’muriyat xabar berishini belgilagan.
AQSh Federal aviatsiya ma’muriyati arkani belgilangan xavfsizlik talablari bajarilgan taqdirda aviatsiya uchun xavf tug‘dirmaydi, deb topgan. Pentagon esa Tramp bayonotidan tashqari qo‘shimcha ma’lumotga ega emasligini bildirgan.
Powered by Froala Editor