Turkiy investitsiya jamg'armasini ta’sis etish to'g'risidagi Bitim ratifikatsiya qilinishi mumkin

Oliy Majlis Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qo'mitasida Senatning navbatdagi yalpi majlisida muhokama qilinishi nazarda tutilgan “Turkiy investitsiya jamg'armasini ta’sis etish to'g'risidagi Bitimni (Anqara, 2023-yil 16-mart) ratifikatsiya qilish haqida”gi Qonun dastlabki tarzda ko'rib chiqildi. Bu haqda “Dunyo” xabar berdi.

Parlament yuqori palatasi axborot xizmati ma’lumotiga ko'ra, bitimning asosiy maqsadi Turkiy davlatlar tashkilotiga a’zo-davlatlarning iqtisodiy rivojlanishiga ko'maklashishga yo'naltirilgan xalqaro moliya tashkiloti shaklida Turkiy investitsiya jamg'armasini tashkil etish hisoblanadi.

Bitim Turkiy investitsiya jamg'armasining maqsadlari, vazifalari, vakolatlari va tarkibini belgilaydi.

Powered by Froala Editor