Xitoy — Qirg‘iziston — O‘zbekiston temir yo‘li: Qirg‘iziston hududidagi qurilish jadallashmoqda
Iqtisodiyot
Xitoy — Qirg‘iziston — O‘zbekiston temir yo‘li qurilishi faol bosqichga kirdi. Loyiha O‘zbekiston uchun alohida ahamiyatga ega: Qashqar — Torugart — Arpa — Makmal — Jalolobod — Andijon yo‘nalishi mamlakat sharqini Qirg‘iziston orqali Xitoy bilan bog‘lab, tranzit va yuk tashish imkoniyatlarini kengaytiradi.
Uzunligi 304,84 kilometr bo‘lgan Qirg‘iziston hududidagi uchastka loyihaning eng murakkab qismi hisoblanadi. Bu yerda keyinchalik elektrlashtirish imkoniyati bilan bir yo‘lli, teplovoz tortuviga mo‘ljallangan temir yo‘l qurilmoqda. Loyihaviy harakat tezligi soatiga 120 kilometrni tashkil etadi. Yo‘nalishda 20 ta stansiya, jumladan, “Torugart” chegara, “Makmal” qayta yuklash va “Jalolobod” chegara stansiyalari ko‘zda tutilgan.
“China Railway International” kompaniyasi vakiliga ko‘ra, Qirg‘izistondagi butun uchastka bo‘ylab vaqtinchalik kirish yo‘llari va elektr ta’minoti obyektlari to‘liq qurilib, foydalanishga topshirilgan. 29 ta yangi tunneldan 26 tasida qurilish boshlangan, 50 ta ko‘prikning 40 tasida ishlar olib borilmoqda. Temir yo‘l poydevorining 107 ta uchastkasidan 83 tasida ishlar boshlangan.
Tunnellar qurilishiga alohida e’tibor qaratilmoqda. Trassa Moldotоo, Haylebeyt va Farg‘ona tog‘ tizmalari orqali o‘tadi. Yuqori seysmik faollik, katta geonapryajeniya, ko‘p yillik muzlagan gruntlar, past harorat, kuchli shamollar va murakkab muhandislik-geologik sharoitlar qurilishni qiyinlashtirmoqda.
Qashqar — Andijon yo‘nalishining umumiy uzunligi 530 kilometrdan oshadi. Xitoy o‘z hududidagi uchastka qurilishiga, O‘zbekiston esa mamlakat hududidagi uchastkani modernizatsiya qilishga javob beradi. Loyiha yakunlangach, yangi magistral O‘zbekistonning xalqaro yuk tashish, tranzit va Xitoy bilan savdo yo‘nalishlarini kengaytirish imkoniyatlarini oshirishi kutilmoqda.
“China Railway International” kompaniyasi vakiliga ko‘ra, Qirg‘izistondagi butun uchastka bo‘ylab vaqtinchalik kirish yo‘llari va elektr ta’minoti obyektlari to‘liq qurilib, foydalanishga topshirilgan. 29 ta yangi tunneldan 26 tasida qurilish boshlangan, 50 ta ko‘prikning 40 tasida ishlar olib borilmoqda. Temir yo‘l poydevorining 107 ta uchastkasidan 83 tasida ishlar boshlangan.
Tunnellar qurilishiga alohida e’tibor qaratilmoqda. Trassa Moldotоo, Haylebeyt va Farg‘ona tog‘ tizmalari orqali o‘tadi. Yuqori seysmik faollik, katta geonapryajeniya, ko‘p yillik muzlagan gruntlar, past harorat, kuchli shamollar va murakkab muhandislik-geologik sharoitlar qurilishni qiyinlashtirmoqda.
Qashqar — Andijon yo‘nalishining umumiy uzunligi 530 kilometrdan oshadi. Xitoy o‘z hududidagi uchastka qurilishiga, O‘zbekiston esa mamlakat hududidagi uchastkani modernizatsiya qilishga javob beradi. Loyiha yakunlangach, yangi magistral O‘zbekistonning xalqaro yuk tashish, tranzit va Xitoy bilan savdo yo‘nalishlarini kengaytirish imkoniyatlarini oshirishi kutilmoqda.
Powered by Froala Editor