Zafar Hoshimov O‘zbekistonda ta’limning yangi strategiyasi bo‘yicha ishchi guruhga rahbarlik qiladi
O'zbekiston
O‘zbekistonda Prezident Administratsiyasi huzurida inson kapitalini rivojlantirish va uzluksiz ta’lim strategiyasi bo‘yicha umummilliy konsepsiyani ishlab chiqadigan maxsus ishchi guruh tashkil etilmoqda. Unga jamoatchilik asosida “Korzinka” supermarketlar tarmog‘i asoschisi, tadbirkor Zafar Hoshimov rahbarlik qiladi.
Ishchi guruhning tashkil etilishi ta’lim tizimini isloh qilish va Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi negizida yangi Ta’lim va ilm-fan vazirligini tashkil etish bilan bog‘liq. Tegishli farmon Prezident tomonidan 3-oktabr kuni imzolangan. Hujjatda uzluksiz ta’lim, tarbiya va fan tizimini yagona asosda tashkil etish hamda inson kapitalini rivojlantirishni yangi bosqichga olib chiqish vazifalari belgilangan.
Ishchi guruh tarkibiga ta’lim muassasalarini tashkil etish va samarali tizimlarni yaratish tajribasiga ega tadbirkorlar, soha mutaxassislari, olimlar va xalqaro ekspertlar jalb qilinadi. Asosiy vazifalardan biri ta’limni mehnat bozori talablariga moslashtirish, raqobatni kuchaytirish va xususiy sektor ishtirokini kengaytirishga qaratilgan yondashuvlarni ishlab chiqishdan iborat.
Yangi modelga ko‘ra, Ta’lim va ilm-fan vazirligi maktabgacha, umumiy, professional va oliy ta’lim muassasalari faoliyatini tashkil etish, ta’lim faoliyatiga qo‘yiladigan talablarni belgilash, shuningdek, akkreditatsiya va litsenziyalash uchun mas’ul bo‘ladi.
Ta’lim sifatini ta’minlash milliy agentligiga esa o‘ziga xos “laboratoriya” vazifasi yuklatiladi. Agentlik o‘quv dasturlari, qo‘llanmalar va metodik materiallarni ishlab chiqishi, ularni amaliyotga joriy etishi, natijalarni kuzatishi va aniqlangan kamchiliklar asosida takomillashtirib borishi kerak. Bu jarayonda Prezident tomonidan belgilangan “o‘zbek maktabi bitiruvchisining portreti” asosiy yo‘nalish bo‘ladi.
Prezident Administratsiyasi va ishchi guruh yangi vazirlik tuzilmasini ishlab chiqadi, ish jarayonlarini qayta ko‘rib chiqadi va ularni takomillashtirish bo‘yicha takliflar tayyorlaydi.
Oliy ta’limda esa davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish ko‘zda tutilmoqda. Ta’lim sifati erkin raqobat va bozor talabi orqali aniqlanishi kerak.
Ishchi guruh tarkibiga ta’lim muassasalarini tashkil etish va samarali tizimlarni yaratish tajribasiga ega tadbirkorlar, soha mutaxassislari, olimlar va xalqaro ekspertlar jalb qilinadi. Asosiy vazifalardan biri ta’limni mehnat bozori talablariga moslashtirish, raqobatni kuchaytirish va xususiy sektor ishtirokini kengaytirishga qaratilgan yondashuvlarni ishlab chiqishdan iborat.
Yangi modelga ko‘ra, Ta’lim va ilm-fan vazirligi maktabgacha, umumiy, professional va oliy ta’lim muassasalari faoliyatini tashkil etish, ta’lim faoliyatiga qo‘yiladigan talablarni belgilash, shuningdek, akkreditatsiya va litsenziyalash uchun mas’ul bo‘ladi.
Ta’lim sifatini ta’minlash milliy agentligiga esa o‘ziga xos “laboratoriya” vazifasi yuklatiladi. Agentlik o‘quv dasturlari, qo‘llanmalar va metodik materiallarni ishlab chiqishi, ularni amaliyotga joriy etishi, natijalarni kuzatishi va aniqlangan kamchiliklar asosida takomillashtirib borishi kerak. Bu jarayonda Prezident tomonidan belgilangan “o‘zbek maktabi bitiruvchisining portreti” asosiy yo‘nalish bo‘ladi.
Prezident Administratsiyasi va ishchi guruh yangi vazirlik tuzilmasini ishlab chiqadi, ish jarayonlarini qayta ko‘rib chiqadi va ularni takomillashtirish bo‘yicha takliflar tayyorlaydi.
Oliy ta’limda esa davlat aralashuvini keskin qisqartirish, oliygohlar mustaqilligini kengaytirish va nodavlat sektor uchun imkoniyatlar yaratish ko‘zda tutilmoqda. Ta’lim sifati erkin raqobat va bozor talabi orqali aniqlanishi kerak.
Powered by Froala Editor