“Apple” kompaniyasining yangi “Vision Pro” ko’zoynagi 2-fevraldan sotuvga chiqariladi

Narxi 3 499 dollar bo‘lgan “Vision Pro” garniturasi foydalanuvchilarga har bir ko‘z uchun 4K displeyni taqdim etadi va foydalanuvchilarga qurilmaning yon tomonidagi maxsus regulyator yordamida to‘ldirilgan reallik (AR) va virtual haqiqat (VR) ga o’tish imkonini beradi. Qurilma ikki chipli tizim, jumladan “Apple”ning M2 protsessori va o‘rnatilgan sensorlar, kameralar va mikrofonlardan olingan ma’lumotlarni qayta ishlashga mo‘ljallangan yangi R1 chipi bilan jihozlangan.

Bundan tashqari, foydalanuvchilar interfeysni kontrollerdan foydalanmasdan boshqarishi mumkin bo'ladi, chunki qurilma ko'z, bosh va qo'llar orqali boshqariladi.

256 Gb xotiraga ega asosiy “Vision Pro” modeli, shuningdek, “Solo Knit Band” va “Dual Loop Band”, yorug‘lik izolyatsiyasini ta’minlovchi qurilmalar, “Vision Pro” korpusi, polirovka uchun mo’ljallangan mato, batareya, USB-C zaryadlovchi kabeli va quvvat adapteri kabi bir qator aksessuarlar bilan birga keladi.

Qurilma “Apple”ning visions operatsion tizimida ishlaydi. Kompaniyaning ta'kidlashicha, undan, ishlab chiquvchilar tomonidan qo'shimcha o'zgarishlarsiz, aksariyat iPhone va iPad dasturlari bilan birga foydalanish mumkin.

Powered by Froala Editor