Erdoʻgʻan bugun Ozarbayjonga boradi

Turkiya Prezidenti Rajab Toyib Erdo'g'an bugun bir kunlik ish safari bilan Ozarbayjonning Naxchivan Muxtor Respublikasiga boradi. Bu haqda Turkiya Prezidenti ma’muriyatining aloqa bo‘limi bayonotida keltirilgan.

Tashrif Ozarbayjon Prezidenti Ilhom Aliyevning taklifiga binoan amalga oshirilmoqda. Bayonotga ko'ra, liderlar ikki tomonlama Turkiya-Ozarbayjon munosabatlarini muhokama qiladi.

Shuningdek, dolzarb mintaqaviy va xalqaro muammolar, birinchi navbatda Ozarbayjonning Qorabog‘ mintaqasidagi so‘nggi voqealar yuzasidan fikr almashiladi.

Turkiya va Ozarbayjon Prezidentlari Igdir-Naxchivon gaz quvurining poydevorini qo‘yish va modernizatsiya qilingan Naxchivan harbiy majmuasining ochilish marosimida ishtirok etishi kutilmoqda.

Powered by Froala Editor