Erdo‘g‘an va Putin Yaqin Sharqdagi vaziyatni muhokama qildi

Turkiya Prezidenti Rajab Toyib Erdo‘g‘an va Rossiya yetakchisi Vladimir Putin oʻrtasida telefon suhbati boʻlib oʻtdi. Unda Falastin-Isroil mojarosining keskinlashuvi muhokama qilindi. Bu haqda Kreml matbuot xizmati xabar berdi.

Bildirilishicha, tomonlar tinch aholi orasida qurbonlar soni ortib borayotgani va G‘azo sektorida gumanitar vaziyat yomonlashganidan xavotir bildirib, turar-joy binolari, diniy va ijtimoiy ob'ektlarga zarba berishga yo'l qo'yilmasligi kerakligini ta'kidlagan.

Rossiyaning BMT Xavfsizlik Kengashi orqali amalga oshirgan sa’y-harakatlari, shuningdek, Turkiyaning qon to‘kilishini to‘xtatish va muhtojlarga gumanitar yordamning to‘siqsiz yetkazilishini ta’minlashga qaratilgan siyosiy va diplomatik qadamlari ko‘rib chiqilgan.

"Rossiya va Turkiyaning pozitsiyalari deyarli bir - biriga mos kelishi va Isroil bilan tinchlik va xavfsizlikda birga yashaydigan mustaqil Falastinni yaratishni nazarda tutuvchi ikki davlatning mashhur formulasini amalga oshirishga qaratilganligi ta'kidlandi", deyiladi xabarda.

Powered by Froala Editor